ការហៅរបស់ខ្ញុំជាលេខាអង្គការបឋមសិក្សា
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងនៃអង្គការបឋមសិក្សា
អង្គការបឋមសិក្សាជួយឲ្យកុមារមានអារម្មណ៍នៃសេចក្ដីស្រឡាញ់របស់ព្រះវរបិតាសួគ៌របស់ពួកគេ រៀនអំពីផែនការនៃសុភមង្គលរបស់ទ្រង់ រស់នៅតាមដំណឹងល្អរបស់ព្រះយេស៊ូវគ្រីស្ទ និងមានអារម្មណ៍ ស្គាល់ និងធ្វើតាមឥទ្ធិពលនៃព្រះវិញ្ញាណបរិសុទ្ធ ។ អង្គការបឋមសិក្សាក៏ជាពេលវេលាសម្រាប់រៀបចំខ្លួន ចុះ និងរក្សាសេចក្ដីសញ្ញាពិសិដ្ឋ នៅពេលដែលកុមារចូលរួមនៅក្នុងកិច្ចការនៃសេចក្ដីសង្គ្រោះ និងភាពតម្កើងឡើងរបស់ព្រះ ។ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ១២.១. ) ។
លេខា
លេខាអង្គការបឋមសិក្សាជួយគណៈប្រធានតាមតម្រូវការរដ្ឋបាល ។ លេខាប្រាប់ឲ្យគណៈប្រធានដឹងពីកុមារ និងអ្នកមកថ្មី កុមារដែលអាចទទួលបុណ្យជ្រមុជទឹក និងការឡើងទៅថ្នាក់រៀនថ្មី ។ គាត់ជួយក្នុងការចាត់ចែងការប្រជុំអង្គការបឋមសិក្សានៅថ្ងៃអាទិត្យ ហើយរៀបចំរបៀបវារៈ និងចូលរួមការប្រជុំនានា ។ លេខាក៏ធ្វើការយ៉ាងជិតស្និទ្ធជាមួយគ្រូបង្រៀនអង្គការបឋមសិក្សា និងថ្នាក់ទារកដ្ឋាន និងថ្នាក់ដឹកនាំអំពីបញ្ហាដែលទាក់ទងទៅនឹងកុមារ ។ ( សូមមើល ១២.៣.៣ ) ។
ថ្នាក់ និងម៉ោងច្រៀងចម្រៀង
វាគឺជាអភ័យឯកសិទ្ធិដ៏ពិសិដ្ឋដើម្បីបង្រៀនដល់កុមារ ។ ថ្នាក់ដឹកនាំអង្គការបឋមសិក្សាស្រឡាញ់ និងបង្រៀនកុមារតាមរបៀបរបស់ព្រះអង្គសង្រ្គោះ ។ ថ្នាក់អង្គការបឋមសិក្សាត្រូវបានរៀបចំឡើងតាមអាយុ និងចំនួនគ្រូបង្រៀនដែលមាន ( សូមមើល ១២.១.៣ ) ។ ម៉ោងច្រៀងចម្រៀងជួយកុមារឲ្យទទួលអារម្មណ៍នូវសេចក្ដីស្រឡាញ់របស់ព្រះវរបិតាសួគ៌ ហើយរៀនអំពីផែនការនៃសុភមង្គលរបស់ទ្រង់ ( សូមមើល ១២.១.៤ ) ។
សកម្មភាពអង្គការបឋមសិក្សា
ថ្នាក់ដឹកនាំសកម្មភាពអង្គការបឋមសិក្សាដាក់ផែនការសប្បាយៗ និងសកម្មភាពការចូលរួមចំណែកនានាដែលជួយសម្រេចបាននូវកិច្ចការនៃសេចក្តីសង្រ្គោះ និងភាពតម្កើងឡើង ។ ការបម្រើ និងសកម្មភាពនានាគួរតែស្ថាបនាទីបន្ទាល់ ពង្រឹងក្រុមគ្រួសារ និងផ្តល់ឱកាសដើម្បីផ្តល់ពរជ័យដល់មនុស្សដទៃ ។ ជាទូទៅសកម្មភាពអង្គការបឋមសិក្សាត្រូវបានធ្វើឡើងពីរដងក្នុងមួយខែសម្រាប់កុមារអាយុ ៨-១១ ឆ្នាំ ។ ( សូមមើល ១២.៣.៦ ) ។
គោលការណ៍ណែនាំ និងគោលនយោបាយនានា
មជ្ឈិមវ័យទាំងអស់ដែលធ្វើការជាមួយកុមារ និងយុវវ័យត្រូវតែបំពេញវគ្គបណ្តុះបណ្តាលការការពារកុមារ និងយុវវ័យក្នុងរយៈពេលមួយខែក្រោយពីត្រូវបានគាំទ្រចំពោះការហៅ ( នៅលើគេហទំព័រProtectingChildren.ChurchofJesusChrist.org ) ។ ការណែនាំ និងគោលនយោបាយនានាដែលទាក់ទងនឹងកុមារដែលមានតម្រូវការពិសេស តម្រូវការសុវត្ថិភាព កម្មវិធីកុមារ និងយុវជន និងកម្មវិធីខ្លះទៀតអាចរកបាននៅក្នុងផ្នែក ១២.៥ នៃ ក្បួនខ្នាតទូទៅ ។