Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļe kōn eddo ko n̄an kūr eo am̧.

Kōttōpar eo an Būraimere

Būraimere ej jipan̄ ajri ro en̄jake iakwe eo an Jemedwōj Ilan̄; ekkatak kōn karōk in m̧ōņōņō eo An; mour kōn gospel eo an Jisōs; im en̄jake, kile, im ļoor im̧we eo an Jetōb Kwojarjar. Būraimere ej barāinwōt juon iien n̄an m̧aanjabpopo n̄an, kōm̧m̧an, im kōjparok bujen ko rekwojarjar ilo an ajri ro bōk koņaer ilo jerbal in lo̧mo̧o̧r eo an Anij im mour ijo eutiejtata. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.1.)

Rijeje

Rijeje eo an Būraimere eo ej jipan̄ būreejtōnji eo kōn aikuj in m̧akūtkūt ko. Rijeje eo ej kōm̧m̧an bwe būreejtōnji eo en jeļā kōn ajri ro rekāāl im rilotok ro, ajri ro rej pojak n̄an peptaij, im walōn̄ļo̧k ilo kūlaaj ko. Ej jipan̄ ilo kūr in kweilo̧k ko ilo Jabōt an Būraimere im kōpooje laajrak in kweilo̧k eo im kobaļo̧k ilo kweilo̧k ko. Rijeje eo ej barāinwōt jerbal ippān rikūki ro an Būraimere im nursery ilo jekjek ko rej iookļo̧ke ajri ro. (Lale 12.3.3.)

Kūlaaj ko im Iien Al

Ej juon jeraam̧m̧an ekwojarjar n̄an katakin ajri ro. Ritōl ro an Būraimere rej iakwe im katakin ajri ro ilo wāween eo an Rilo̧mo̧o̧r eo. Kūlaaj ko an Būraimere rej ejaak kōn iiō im oran rūkaki ro rej pojak (lale 12.1.3). Iien al ej jipan̄ ajri ro rej en̄jake iakwe eo an Jemedwōj Ilan̄ im ekkatak kōn karōk in m̧ōņōņō eo An (lale 12.1.4).

M̧akūtkūt eo an Būraimere

Ritōl ro an m̧akūtkūt an Būraimere rej karōk m̧akūtkūt in iaieo im relimo me rej jipan̄ kōttōprak jerbal in lo̧mo̧o̧r im mour ilo aiboojoj eo eutiejtata. Jerbal in jipan̄ ko im m̧akūtkūt ko rej aikuj in kalōk naan in kam̧ool ko, kōkajoorļo̧k baam̧le ko, im leļo̧k iien ko rem̧m̧an n̄an kōjeraam̧m̧an ro jet. Būraimere m̧akūtkūt ko ekkā aer kōm̧m̧an ruo alen ilo juon allōn̄ n̄an ajri ro ilo iiō ko 8–11. (Lale 12.3.6.)

Unin Tōl im Kakien ko

Aolep rūtto ro rej jerbal ippān jodikdik ro rej aikuj kadedeikļo̧k kaminene eo n̄an kōjparok ajri ro im jodikdik ro ilowaan juon allōn̄ jān iien eo kar rejtake er (ProtectingChildren.ChurchofJesusChrist.org). Unin tōl ko im kakien ko kōn ajri ro ewōr m̧ōjņo̧ ko ilo ānbwin, jekjek ko n̄an kōparok, būrookraam̧ eo an Ajri ro im Jodikdik ro, im ko jet rej pād ilo jekjen 12.5 in Bok in Bōk Meļeļe Eļap.