O Lo’u Valaauga o se Failautusi o le Peraimeri
Tiutetauave
E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.
Faamoemoega o le Peraimeri
E fesoasoani le Peraimeri i tamaiti ia lagonaina le alofa o lo latou Tama Faalelagi; aoao e uiga i Lana fuafuaga o le fiafia; ola i le talalelei a Iesu Keriso; ma lagona, iloa, ma galue i le uunaiga a le Agaga Paia. O le Peraimeri o se taimi foi e saunia ai, e osia, ma tausia feagaiga paia a o auai tamaiti i le galuega a le Atua o le faaolataga ma le faaeaga. (Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 12.1.)
Failautusi
O le failautusi a le Peraimeri e fesoasoani i le au peresitene i manaoga faaletaitai. E faailoa atu e le failautusi i le au peresitene ia tamaiti fou ma tagata asiasi mai, tamaiti e agavaa mo le papatisoga, ma siita’iga o vasega. E fesoasoani o ia i tofitofiga o sauniga a le Peraimeri i Aso Sa ma saunia lisi o mataupu e talanoaina ma auai i fonotaga. E galulue vavalalata foi le failautusi ma faiaoga o le vasega pepe ma taitai o le Peraimeri i mataupu e faatatau i tamaiti. (Tagai i le 12.3.3.)
Vasega ma Taimi o Pesepesega
O se avanoa paia le a’oa’o atu o tamaiti. O taitai o le Peraimeri e alolofa ma aoao atu fanau i le ala a le Faaola. O vasega o le Peraimeri ua faatulagaina i tausaga ma le numera o faiaoga e avanoa (tagai i le 12.1.3). O le taimi o pesepesega e fesoasoani i tamaiti ia lagonaina le alofa o le Tama Faalelagi ma a’oa’o ai e uiga i Lana fuafuaga o le fiafia (tagai i le 12.1.4).
O Gaoioiga a le Peraimeri
E fuafua e taitai o gaoioiga a le Peraimeri ni gaoioiga malie ma faatosina e fesoasoani e faataunuu ai le galuega o le faaolataga ma le faaeaga. O auaunaga ma gaoioiga e tatau ona fausia ai molimau, faamalolosia ai aiga, ma maua ai avanoa e faamanuiaina ai isi. O gaoioiga a le Peraimeri e masani ona faia faalua i le masina mo tamaiti ua ta’i 8–11 tausaga. (Tagai i le 12.3.6.)
Taiala ma Aiaiga Faavae
O tagata matutua uma e galulue ma tamaiti ma le autalavou e tatau ona faamae’aina le a’oa’oga faamasani o le Puipuiga o Tamaiti ma le Autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). O taiala ma aiaiga faavae e faatatau i tamaiti e i ai manaoga faapitoa, tulaga manaomia mo le saogalemu, le polokalama a Tamaiti ma le Autalavou, ma isi o loo maua i le vaega 12.5 o le Tusitaulima Aoao.