Te mau hōpoi’a

’Ua māuruuru roa te Fatu nō tō ’oe hina’arora’a e tāvini i roto i tāna ’Ēkālēsia. E ’ite mai ’oe i raro nei i te hō’ē hi’ora’a rere ā manu o te mau hōpoi’a nō tō ’oe pi’ira’a.

Fā o te Paraimere

E tauturu te Paraimere i te mau tamari’i ’ia putapū i te here o te Metua i te ao ra ; ’ia ha’api’i mai nō ni’a i tāna fa’anahora’a nō te ’oa’oa ; ’ia ora i te ’evanelia a Iesu Mesia ; ’e ’ia putapū, ’ia ’ite ’e ’ia rave mai te au i te fa’aurura’a a te Vārua Maita’i. ’Ua riro ato’a te Paraimere ’ei taime nō te fa’aineine, nō te rave ’e nō te ha’apa’o i te mau fafaura’a mo’a ’a ’āmui mai ai te mau tamari’i i roto i te ’ohipa nō te fa’aorara’a ’e te fa’ateiteira’a a te Atua. (Hi’o Buka arata’i rahi : Te tāvinira’a i roto i Te ’Ēkālēsia a Iesu Mesia i te Feiā Mo’a i te mau Mahana Hope’a nei, 12.1).

Pāpa’i parau

E tauturu te pāpa’i parau nō te Paraimere i te peresidenira’a ’e te mau hina’aro o te fa’aterera’a. E fa’aara te pāpa’i parau i te peresidenira’a te mau tamari’i ’āpī ’e te mau manihini, te mau tamari’i e fāri’i i te bāpetizora’a ’e te fa’anu’ura’a i te piha ha’api’ira’a. E ’āmui atu ’oia i roto i te mau ’ohipa o te putuputura’a a te Paraimere i te sābati ’e e fa’aineine i te mau tāpura ’ohipa ’e ’āmui atu i roto i te mau ’āpo’ora’a. E ’ohipa piri ato’a te pāpa’i parau ’e te mau ’orometua o te Paraimere ’e te feiā fa’atere o te piha a te mau tamari’i ri’i nō ni’a i te mau mea e tū’ati i te mau tamari’i. (Hi’o 12.3.3).

Te mau piha ha’api’ira’a ’e te taime hīmenera’a

E ha’amaita’ira’a mo’a ’ia ha’api’i i te mau tamari’i. E here ’e e ha’api’i te feiā fa’atere o te Paraimere i te mau tamari’i mai tā te Fa’aore i rave. E fa’anahohia te mau piha ha’api’ira’a mai te au i te matahiti ’e te rahira’a o te mau ’orometua e vai ra (hi’o 12.1.3). E tauturu te taime hīmenera’a i te mau tamari’i ’ia putapū i te here o te Metua i te ao ra ’e ’ia ha’api’i mai nō ni’a i tāna fa’anahora’a nō te oa’oa (hi’o 12.1.4).

Mau ’ohipara’a a te Paraimere

E fa’anaho te feiā fa’atere o te Paraimere nō te mau ’ohipara’a i te mau ’ātivite ’ārearea ’e te tītaura’a nō te tauturu i te rave fa’aotira’a i te ’ohipa nō te fa’aorara’a ’e te fa’ateiteira’a. E ti’a i te tāvinira’a ’e i te mau ’ohipara’a ’ia patu i te mau ’itera’a pāpū, ’ia ha’apūai i te mau ’utuāfare, ’e ’ia hōro’a i te mau rāve’a nō te ha’amaita’i ia vetahi ’ē. I te rahira’a taime, e ravehia te mau ’ohipara’a a te Paraimere e piti taime i te ’āva’e nō te mau tamari’i mai te 8–11 matahiti. (Hi’o 12.3.6).

Te mau arata’ira’a ’e te mau fa’aturera’a

E ti’a i te mau ta’ata pa’ari ato’a e ’ohipa nei ’e te mau tamari’i ’e te feiā ’āpī, ’ia rave i te ha’api’ipi’ira’a nō ni’a i te Pārurura’a i te mau Tamari’i ’e i te Feiā ’Āpī, i roto i te ’āva’e o tō rātou pāturura’ahia (ProtectingChildren.ChurchofJesusChrist.org) E ’itehia te mau arata’ira’a ’e te mau fa’aturera’a nō te mau tamari’i e hina’aro ta’a ’ē tō rātou, te mau tītaura’a o te pārurura’a, te fa’anahora’a nō te mau tamari’i ’e te feiā ’āpī ’e tē vai atu ra, i roto i te tuha’a 12.5 o te Buka arata’i rahi.