Ti Calling-ko a kas Mannursuro iti Primary
Dagiti Pagrebbengan
Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan para iti calling-mo.
Panggep ti Primary
Tulongan ti Primary dagiti ubbing a makarikna iti ayat ti Nailangitan nga Amada; makasursuro maipapan iti planona iti kinaragsak; agbiag iti ebanghelio ni Jesucristo; ken mangrikna, mangbigbig, ken agtignay iti impluensia ti Espiritu Santo. Ti Primary ket panawen pay ti panagsagana, panagaramid, ken panagtungpal kadagiti sagrado a katulagan bayat ti pannakipaset dagiti ubbing iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 12.1.)
Mannursuro iti Primary
Maysa a sagrado a pribilehio ti panangisuro kadagiti annak ti Dios. Maawagan dagiti mannursuro iti Primary a mangisuro ken agminister kadagiti maitudo a ragup-ti-tawen dagiti ubbing (kitaen iti 12.3.5). Adalenda ti ebanghelio ken ibinglayda kadagiti ubbing no ania ti masursuroda. Paregtaen dagiti mannursuro dagiti ubbing ken dagiti pamiliada a mangadal iti ebanghelio iti pagtaengan. Awisenda dagiti ubbing a mangibinglay iti simbaan no ania ti masursuroda iti pagtaengan (kitaen iti 12.2.1.2).
Klase iti Domingo
Mangisuro dagiti mannursuro iti Primary manipud iti Umaykayo, Sumurot Kaniak. Surotenda dagiti prinsipio iti Panangisuro iti Wagas ti Mangisalakan ken kapitulo 17 ti Sapasap a Handbook. No mangisuro dagiti nataengan kadagiti ubbing kadagiti setting ti Simbaan, nasken nga adda uray dua laeng a responsable a nataengan (kitaen iti 12.3.5).
Dagiti Pangiwanwan ken Annuroten
Amin a nataengan a makipagtrabaho kadagiti agtutubo ket nasken a leppasenda ti training iti Panangsaluad kadagiti Ubbing ken Agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Dagiti pangiwanwan ken annuroten maipanggep kadagiti ubbing nga addaan iti pagkurangan, kasapulan iti panangtalged, ti programa dagiti Ubbing ken Agtutubo, ken dadduma pay ket masarakan iti benneg 12.5 ti Sapasap a Handbook.