Kūr eo Aō āinwōt juon Rūkaki in Būraimere

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Jibadbad eo an Būraimere

Būraimere ej jipan̄ ajri ro en̄jake iakwe eo an Jemeer Ilan̄; katak kōn karōk eo An ekam̧ōņōņō; mour kōn gospel eo an Jisōs Kraist; im en̄jake, kile, im ļoor im̧we eo an Jetōb Kwojarjar. Būraimere ej barāinwōt juon iien n̄an m̧aanjabpopo n̄an, kōm̧m̧an, im kōjparok bujen ko rekwojarjar ilo an ajri ro bōk koņaer ilo jerbal in lo̧mo̧o̧r eo an Anij im mour ijo eutiej tata. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.1.)

Rūkaki in Būraimere

Katakin ajri ro nejin Anij ej juon jeraam̧m̧an ekwojarjar. Rūkaki in Būraimere ro rej kūr n̄an katakin im jerbal in karejar n̄an kajjojo kurup in iiō ko em̧ōj kōjenolo̧k an ajri ro (see 12.3.5). Rej ekkatak gospel eo im kwaļo̧k n̄an ajri ro ta eo rej ekkatak. Rūkaki ro an Būraimere rej kōketak ajri ro im baam̧le ko aer n̄an ekkatak gospel eo ilo m̧weo. Rej kajjitōk ippān ajri ro n̄an kwaļo̧ke ilo m̧ōnjar eo ta eo rej ekkatak ilo m̧weo (lale 12.2.1.2).

Kūlaaj in Jabot

Rūkaki in Būraimere ro rej katakin jān Itok, Ļoor Eō. Rej ļoor pedped in katak ko ilo Katakin ilo Wāween eo an Rilo̧mo̧o̧r im jebta 17 in Bok in Bōk Meļeļe eo Eļap. N̄e rūtto ro rej katakin ajri ro ilo kweilo̧k ko an Kabun̄ in, diktata ruo rūtto ro remaron̄ bōk eddo rej aikuj in pād (lale 12.3.5).

Unin Tōl im Kakien ko jet

Aolep rūtto ro rej jerbal ippān ajri ro im jodikdik ro rej aikuj kadedeļo̧k kaminene eo an Kōjparok Ajri ro im Jodikdik ro ilowaan wōt juon allōn̄ jān ke raar rejtake (ProtectingChildren.ChurchofJesusChrist.org Unin tōl ko im kakien ko ikkijen ajri ro ewōr aer utam̧we ko rein juon, men ko aikuji kōn kōjparok (safety requirement), būrookraam̧ eo an Ajri ro im Jodikdik ro, im ko jet loi ilo jekjōn 12.5 an Bok in Bōk Meļeļe Eļap.