O Lo‘u Valaauga o se Faiaoga o le Peraimeri
Tiutetauave
E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.
Faamoemoega o le Peraimeri
E fesoasoani le Peraimeri i tamaiti ia lagonaina le alofa o lo latou Tama Faalelagi; aoao e uiga i Lana fuafuaga o le fiafia; ola i le Talalelei a Iesu Keriso; ma lagona, iloa, ma faatino e ala i le tosinaga a le Agaga Paia. O le Peraimeri o se taimi foi e saunia ai, osia, ma tausia feagaiga paia a o auai tamaiti i le galuega a le Atua o le faaolataga ma le faaeaga. (Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 12.1.)
Faiaoga o le Peraimeri
O le aoaoina o fanau a le Atua o se avanoa paia. E valaauina faiaoga o le Peraimeri e faiaoga ma auauna atu i ni vaega o vaitausaga patino o tamaiti (tagai i le 12.3.5). Latou te suesue i le talalelei ma faasoa atu i tamaiti mea latou te aoaoina. E uunaia e faiaoga ia tamaiti ma o latou aiga e aoao le talalelei i le fale. Latou te valaaulia tamaiti e faasoa mai i le lotu mea latou te aoaoina i le fale (tagai i le 12.2.1.2).
Vasega o le Aso Sa
O faiaoga o le Peraimeri e aoao mai le Sau, Mulimuli Mai ia te A’u. Latou te mulimuli i mataupu faavae o loo i le A’oa’o Atu i le Ala a le Faaola ma le mataupu 17 o le Tusitaulima Aoao. Pe a faiaoga tagata matutua i tamaiti i faatulagaga faale-Ekalesia, ia le itiiti ifo ma le toalua tagata matutua faatuatuaina e tatau ona i ai (tagai i le 12.3.5).
Taiala ma Aiaiga Faavae
O tagata matutua uma e galulue ma tamaiti ma le autalavou e tatau ona faamae’aina le a’oa’oga faamasani o le Puipuiga o Tamaiti ma le Autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). O taiala ma aiaiga faavae e faatatau i tamaiti e i ai manaoga faapitoa, tulaga manaomia mo le saogalemu, le polokalama a Tamaiti ma le Autalavou, ma isi o loo maua i le vaega 12.5 o le Tusitaulima Aoao.