Noqu Kavici Vaka Peresitedi ni iSoqosoqo ni Veivukei

iTavi eso

Sa vakavinavinaka na Turaga ena nomu lomasoli mo veiqaravi ena Nona Lotu. Sa koto e ra na rai vakararaba ni itavi ni nomu veikacivi.

iNaki ni iSoqosoqo ni Veivukei

Na iSoqosoqo ni Veivukei e dua na mataisoqosoqo yavutaki vakalou me baleti ira taucoko na marama uabula ena Lotu. Na iSoqosoqo ni Veivukei e vukei ira na luve ni Kalou mera vakavakarau me ra lesu tale ki na Nona iserau. E vakatavulica na Parofita Joseph Smith ni inaki ni iSoqosoqo ni Veivukei sa ikoya mera “vakabulai na yalo kei na vakacegui ni rarawa”—ena vakarautaki ni veivuke ni iVakabula (raica na iVoladusidusi Raraba : Veiqaravi Na Lotu i Jisu Karisito ni Yalododonu Edaidai, 9.1).

Peresitedi ni iSoqosoqo ni Veivukei

Na peresitedi ni iSoqosoqo ni Veivukei e liutaka na sasaga ni vakaitavi ena cakacaka ni veivakabulai kei na bula vakacerecerei ni Kalou. E lewena o koya na matabose ni tabanalevu ka, ena veidusimaki nei bisopi, veitalanoa kei ira na lewe ni tabanalevu uabula. E raica talega o koya na ivolatukutuku, ripote, kei na veika vakailavo (raica na 9.3.2.2).

Mataveiliutaki

E ratou na raici ira na marama dauveiqaravi, veidusimaki ni Sigatabu, kei na itaviqaravi na peresitedi kei rau na nona daunivakasala. E ratou na vakavulici ira na marama ena nodra itavi ni veiyalayalati, vakarautaki ira na goneyalewa mera vakaitavi ena iSoqosoqo ni Veivukei, ka tuvanaka na veisasaga eso me ra vakaqaqacotaki kina na marama itabagone qase cake (raica na 9.4). E dau sota wasoma na mataveiliutaki ni iSoqosoqo ni Veivukei kei na sekeriteri (raica na 9.3.2.3).

Veiliutaki kei na Vei Matabose

E ra tuvalaka na iliuliu ni iSoqosoqo ni Veivukei na soqoni ni Sigatabu, itaviqaravi, veisiko, veiqaravi, kei na veimaliwai tale eso me vukei ira na marama mera vakaitavi ena Nona cakacaka ni veivakabulai kei na bula vakacerecerei na Kalou. E ratou cakacaka vata na lewe ni iSoqosoqo ni Veivukei kei na kuoramu ni italatala qase (raica na 9.2).

iSoqosoqo ni Veivukei kei na Kuoramu ni iTalatala Qase

E ratou na liutaka na mataveiliutaki ni iSoqosoqo ni Veivukei kei na kuoramu ni italatala qase na ilesilesi ni veiqaravi ka veivuke ena kena liutaki na cakacaka ni valetabu kei na tuva kawa kei na sasaga mera sureti na tamata kecega me ra ciqoma na veivakalougatataki ni kosipeli. Sa tiko talega na nodratou itavi bibi ena nodra vakavulici na lewe ni tabanalevu ena ivakavuvuli ni nodra qaravi na vakaleqai tu, bulataki ni lawa ni lolo, tarai cake ni bula rawati koya, kei na vakavakarautaki ni tamata yadua kei na matavuvale (raica na 22.6.2).

Soqoni ena Sigatabu

Era dau sota na iSoqosoqo ni Veivukei ena ikarua kei na ikava ni Sigatabu ena dua na inaki me vakalevutaki kina na vakabauti Jisu Karisito, toroi cake na duavata, ka vakaqaqacotaki na matavuvale kei na itikotiko. Na soqoni e tekivu ena masu ka oka kina na gauna ni veivakasalataki vata kei na veivakasalataki vakosipeli kei na veivosaki ka yavutaki ena vosa ni koniferedi se qai vakayacori oti ga (raica na 9.2.1.2).

Veiqaravi kei na iTaviqaravi

Sa rawa vei iratou na mataveiliutaki ni iSoqosoqo ni Veivukei me ratou tuvanaka na itaviqaravi me vakaqaqacotaka na nodra vakabauti Jisu Karisito na marama, vakalevutaka cake na nodra gagadre mera vakayacora ka maroroya na veiyalayalati, e solia vei ira na madigi mera veiqaravi vata kaya. E liutaka na peresitedi na vei taviqaravi eso ka na rawa ni kerea e dua na daunivakasala se dua tale na marama me liutaka na kena tuvai ka vakayacori (raica na 9.2.1.3).

iKuri ni Veikacivi

E rau na veitalanoataka na bisopi kei na peresitedi ni iSoqosoqo ni Veivukei na gadrevi ni veikacivi tale eso. Oqo e oka kina o ira na qasenivuli, kodineita ni veiqaravi, kodineita ni itaviqaravi, ivukevuke kei ira na lewe ni komiti, ivukevuke ni sekeriteri, kei ira na sekeriteri ni veiqaravi. Ni gadrevi tu, sa rawa ni lesia na mataveiliutaki ni iSoqosoqo ni Veivukei na marama eso me ra veivuke ena sasaga ni iSoqosoqo ni Veivukei ena sala tale eso (raica na 9.3.4).

iDusidusi kei na Lawatu

Na ikuri ni idusidusi kei na lawatu ena kunei ena wase 9.6 ni iVoladusidusi Raraba.