Mga Responsibilidad

Nagpapasalamat ang Panginoon sa taos-puso mong kahandaan na maglingkod sa Kanyang Simbahan. Nasa ibaba ang buod ng mga responsibilidad para sa iyong tungkulin.

Layunin ng Relief Society

Ang Relief Society ay isang organisasyong itinatag ng Diyos para sa lahat ng adult na kababaihan sa Simbahan. Ang Relief Society ay tumutulong sa mga anak ng Diyos na maghandang bumalik sa Kanyang piling. Itinuro ni Propetang Joseph Smith na ang layunin ng Relief Society ay “magligtas ng mga kaluluwa at magbigay-ginhawa sa pagdurusa”—nagkakaloob ng kaginhawahan ng Tagapagligtas (tingnan sa Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, 9.1).

Relief Society President

Ang Relief Society president ang namumuno sa mga pagsisikap na makibahagi sa gawain ng Diyos ukol sa kaligtasan at kadakilaan. Naglilingkod siya bilang miyembro ng ward council at nakikipagsanggunian sa mga adult na miyembro ng ward sa ilalim ng patnubay ng bishop. Siya rin ang nangangasiwa sa mga talaan, report, at pera (tingnan sa 9.3.2.2).

Presidency

Ang president at ang kanyang mga counselor ang namamahala sa mga ministering sister, pagtuturo sa araw ng Linggo, at mga aktibidad. Itinuturo nila sa kababaihan ang kanilang mga responsibilidad sa tipan, inihahanda ang mga kabataang babae na makibahagi sa Relief Society, at pinag-uugnay ang mga pagsisikap na palakasin ang mga young adult sister (tingnan sa 9.4). Regular na nagmimiting ang Relief Society presidency at secretary (tingnan sa 9.3.2.3).

Pamunuan at mga Council

Ang mga Relief Society leader ay nagpaplano ng mga miting sa araw ng Linggo, mga aktibidad, ministering, paglilingkod, at iba pang mga pakikipag-ugnayan para mabigyan ng pagkakataon ang kababaihan na makibahagi sa gawain ng Diyos ukol sa kaligtasan at kadakilaan. Ang mga miyembro ng Relief Society at elders quorum ay nagkakaisa sa gawaing ito (tingnan sa 9.2).

Relief Society at Elders Quorum

Ang mga panguluhan ng Relief Society at elders quorum ay pinag-uugnay ang mga ministering assignment at tumutulong sa pamumuno sa pagsisikap at gawain sa templo at family history para anyayahan ang lahat na tanggapin ang mga pagpapala ng ebanghelyo. May mahalagang papel din sila sa pagtuturo sa mga miyembro ng ward ng mga alituntunin ng ministering o paglilingkod sa mga nangangailangan, pagsunod sa batas ng ayuno, pagkakaroon ng self-reliance, at pagpapaibayo ng personal na kahandaan at kahandaan sa pamilya (tingnan sa 22.6.2).

Mga Miting sa Araw ng Linggo

Ang Relief Society ay nagpupulong sa ikalawa at ikaapat na Linggo na may layuning palakasin ang pananampalataya kay Jesucristo, bumuo ng pagkakaisa, at patatagin ang mga pamilya at tahanan. Ang mga miting ay nagsisimula sa panalangin at kinabibilangan ng oras para sa counseling o pagsasanggunian at pagtuturo ng ebanghelyo at talakayan batay sa pinakahuling mga mensahe sa kumperensya (tingnan sa 9.2.1.2).

Paglilingkod at mga Aktibidad

Ang mga Relief Society presidency ay maaaring magplano ng mga aktibidad para mapalakas ang pananampalataya ng kababaihan kay Jesucristo, madagdagan ang hangarin nilang gumawa at tumupad ng mga tipan, at mabigyan sila ng mga pagkakataong maglingkod nang magkakasama. Pinamamahalaan ng president ang mga aktibidad na ito at maaari niyang hilingin sa isang counselor o sa isa pang sister na pamunuan ang pagpaplano at pagsasagawa ng mga ito (tingnan sa 9.2.1.3).

Karagdagang mga Calling

Tinatalakay ng bishop at Relief Society president kung kailangan pa ng karagdagang mga tungkulin. Kabilang dito ang mga guro, service coordinator, activities coordinator, assistant at committee member, assistant secretary, at mga ministering secretary. Kung kailangan, maaaring atasan ng presidency ang ilang kababaihan na tumulong sa mga gawain ng Relief Society sa ibang paraan (tingnan sa 9.3.4).

Mga Tuntunin at Patakaran

Ang mga karagdagang tuntunin at patakaran ay matatagpuan sa bahagi 9.6 ng Pangkalahatang Hanbuk.