Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti

Stamba Tingting blong Rilif Sosaeti

Rilif Sosaeti i wan tabu oganaesesen we oli stanemap blong evri adalt woman insaed long Jos. Rilif Sosaeti i helpem ol pikinini blong God blong rere blong gobak stap wetem Hem, long ples blong Hem. Profet Josef Smit i bin tijim se stamba tingting blong Rilif Sosaeti hem i blong “sevem ol sol mo help long taem blong safaring.(luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 9.1).

Sekretari

Presidensi blong Rilif Sosaeti mo sekretari oli gat miting evri taem (luk long 9.3.2.3). Ol responsabiliti blong sekretari, i save gat olgeta ia: rere long ol ajenda blong presidensi miting mo ol miting blong Rilif Sosaeti, tekem not long ol miting mo folemap ol wok we oli givimaot.putum taem blong holem ol givhan intaviu, rere mo sendem ol kwota ripot blong atendens, sendem ol ripot, help blong rere long wan yia bajet nomo holem wan rekod blong mane we oli spendem(luk long 9.3.3). Oli save singaotem ol asisten sekretari mo wan givhan sekretari blong oli save helpem sekretari (luk long 9.3.4).

Lidasip mo Ol Kaonsel

Ol lida blong Rilif Sosaeti, oli mekem plan blong holem ol Sandei miting, ol aktiviti, ol givhan wok, seves, mo ol nara wok ia blong givim long ol woman eksperiens ia long wok blong God blong fasin blong sevem man mo fasin blong kam olsem wan god. Ol memba blong Rilif Sosaeti mo kworom blong ol elda, oli joen wan blong mekem wok ia i hapen (luk long 9.2).

Ol Sandei Miting

Ol Rilif Sosaeti oli mit long nambatu mo namba fo Sandei wetem tingting ia blong leftemap fet long Jisas Kraes, bildimap fasin blong stap wok wan, mo mekem ol famli mo ol hom. Ol miting i stat wetem wan prea mo taem blong kaonsel tugeta mo gospel instraksen mo tokbaot ol toktok blong jeneral konfrens we i jes pas. (Luk long 9.2.1.2).

Seves mo Ol Aktiviti

Presidensi blong Rilif Sosaeti oli save mekem ol plan blong aktiviti blong mekem fet blong ol sista oli kam moa strong long Jisas Kraes, mekem tingting blong olgeta i kam moa strong blong mekem mo kipim ol kavenan, mo givim long wan janis blong oli save givim seves tugeta. Presiden nao i lukluk long ol aktiviti ia mo i save askem wan kaonsela o wan nara sista i save tekem lid blong mekem plan mo mekem plan ia i hapen (luk long 9.2.1.3).

Sam Moa Gaedlaen mo Polisi

Sam moa long ol gaedlaen mo ol polisi yu save faenem long seksen 9.6 blong Jeneral Hanbuk.