iTavi eso

Sa vakavinavinaka na Turaga ena nomuni lomasoli mo ni veiqaravi ena Nona Lotu. Sa koto oqo e ra na rabailevu ni itavi ni nomu veikacivi.

Na iNaki ni iSoqosoqo ni Veivukei

Na iSoqosoqo ni Veivukei e sa dua na mataisoqosoqo yavutaki vakalou me baleti ira kece na marama uabula ena Lotu. Na iSoqosoqo ni Veivukei sa vukea na luve ni Kalou me ra vakavakarau ni lesu tale ki na Nona iserau. E vakatavulica na Parofita Josefa Simici ni inaki ni iSoqosoqo ni Veivukei o ya me “vakabulai na yalo kei na vakacegui ni rarawa”—ena kena vakarautaki na veivuke ni iVakabula(raica na iVoladusidusi Raraba: Veiqaravi e Na Lotu i Jisu Karisito ni Yalododonu Edaidai, 9.1).

Sekeriteri

Eratou na sota wasoma na mataveiliutaki ni iSoqosoqo ni Veivukei kei na sekeriteri (raica na 9.3.2.3). Na itavi nei sekeriteri e rawa ni oka kina na vakarautaki ni lewe ni bose ka volai na itukutuku ena bose, railesuvi ni ilesilesi, tuvai ni veivakatarogi ni veiqaravi, volai o ira era tiko ena bose, soli ripote, veivuke ena vakarautaki ni ilavovakarau vakayabaki, kei na vakadikevi ni vakayagataki ilavo (raica na 9.3.3.3). E rawa ni ra kacivi na ivukevuke ni sekeriteri eso kei na dua na sekeriteri ni veiqaravi me ra vukei sekeriteri (raica na 9.3.4).

Veiliutaki kei na Matabose

Era tuvalaka na iliuliu ni iSoqosoqo ni Veivukei na soqoni ni Sigatabu, itaviqaravi, veisiko, veiqaravi, kei na veimaliwai tale eso me vukei ira na marama ni vakaitavi ena Nona cakacaka ni veivakabulai kei na bula vakacerecerei na Kalou. E ra na cakacaka vata na lewe ni iSoqosoqo ni Veivukei kei na kuoramu ni italatala qase ena duavata. (raica na 9.2).

Soqoni ena Sigatabu

Era na soqoni vata na iSoqosoqo ni Veivukei ena ikarua kei na ikava ni Sigatabu ena inaki me vakalevutaki kina na vakabauti Jisu Karisito, tara cake na duavata, ka vaqaqacotaka na matavuvale kei na itikotiko. Ena dau tekivu na soqoni ena masu ka oka kina na gauna ni veivakasalataki vata vakosipeli kei na veivosaki ka yavutaki ena vosa ni koniferedi raraba se qai oti toka ga (raica na 9.2.1.2).

Veiqaravi kei na iTaviqaravi

Sa rawa vei iratou na mataveiliutaki ni iSoqosoqo ni Veivukei me ratou tuvanaka na itaviqaravi me vaqaqacotaka na nodra vakabauti Jisu Karisito na marama, vakalevutaka cake na nodra gagadre me ra cakava ka maroroya na veiyalayalati, ka solia vei ira na madigi me ra veiqaravi vata. Ena raica raraba o peresitedi na veiitaviqaravi oqo ka rawa me kerea e dua na daunivakasala se dua tale na marama me liutaka na kena tuvai ka vakayacori na veika oqo (raica na 9.2.1.3).

iDusidusi kei na Lawatu

Na ikuri ni idusidusi kei na lawatu ena kune ena wase 9.6 ni iVoladusidusi Raraba.