Kūr eo Aō āinwōt juon Rijeje n̄an Doulul eo an Kōrā ro

Eddo ko

Irooj ej m̧ōņōņō kōn wūjlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļein eddo ko ilo kūr eo am̧.

Jibadbad eo an Doulul eo an Kōrā ro

Doulul eo an Kōrā ro ej juon doulul eo ekwojarjar kar karōke n̄an kōrā ro rōrūtto ilo Kabun̄ in. Doulul eo an Kōrā ej jipan̄ ajri ro nejin Anij kōppopo n̄an jepļaakļo̧k n̄an Ippān. Rikanaan Josep Smith ekar kwaļo̧k bwe jibadbad eo an Doulul eo an Kōrā ro ej n̄an “lo̧mo̧o̧ren jetōb ko, im kōmeraik en̄taan ko”—leļo̧k unjen mour eo an Rilo̧mo̧o̧r (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 9.1).

Rijeje

Būreejtōni eo an Doulul eo an Kōrā ro im rijeje eo emakijkij aer kweilo̧k ippān doon (lale 9.3.2.3). Eddo ko an rijeje eo ekoba kepooj agenda eo im je kobban kweilo̧k eo, lali ijjitōn̄ ko, jikejuuļi intōrepiu in jerbal in karejar ko, kōjparok attendance ko, jilkinļo̧k riboot ko, jipan̄ kepooj juon bajet ilowaan juon iiō, im lali jon̄an diwōj-deļo̧n̄ ko an jāān (lale 9.3.3). Rijipan̄ rijeje ro im rijeje eo an jerbal in karejar maron̄ in kūr n̄an jipan̄ rijeje eo (lale 9.3.4).

Ritōl ro im Ko̧o̧njeļ ko

Ritōl ro an Doulul eo an Kōrā ro rej karōke kweilo̧k ko ilo Jabōt, m̧akūtkūt ko, jerbal in karejar, jerbal in jipan̄, im ikitōltōl ko jet n̄an jipan̄ kōrā ro bōk koņaer ilo jerbal in lo̧mo̧o̧r eo an Anij im mour ijo ilōn̄tata. Membōr ro an Doulul eo an Kōrā ro im doulul eo elder ro rej jerbal ippān doon (lale 9.2).

Kweilo̧k ko an Jabōt

Doulul eo an Kōrā ro rej ioon doon ilo Jabōt ruo im emān kōn juon jibadbad n̄an kōļapļo̧k tōmak ilo Jisōs Kraist, kalōk juon wōt, im kōkajoorļo̧k baam̧le ko im m̧oko. Kweilo̧k ko rej ijjino kōn jar im ekoba jidik iien n̄an kapilōk doon n̄an ekkatak gospel eo im kōnono eo en pedped ioon kweilo̧k eo eļap eo ej kab jem̧ļo̧k ļo̧k (lale 9.2.1.2).

Jerbal in jipan̄ im M̧akūtkūt ko

Būreejtōnji eo an Doulul eo an Kōrā ro remaron̄ karōk m̧akūtkūt ko n̄an kōkajoorļo̧k tōmak eo an sister ro ilo Jisōs Kraist, kōļapļo̧k ikdeelel eo aer n̄an kōm̧m̧an im kōjparok bujen ko, im leļo̧k n̄an er iien ko rem̧m̧an n̄an jerbal n̄an doon. Būreejtōn eo ej lale makūtkūt kein emaron̄ kajjitōk ippān juon rikakpilōklōk ak bar juon sister n̄an tōl ilo pepe im loloorjaki (lale 9.2.1.3).

Unin Tōl im Kakien Ko

Kakkobaba in unin tōl ko jet im kakien ko rej waļo̧k ilo jekjōn 9.6 in Bok in Bōk Meļeļe Eļap.