Tiutetauave

E faafetai le Alii mo lou naunau e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o le Aualofa

O le Aualofa o se faalapotopotoga na faatuina faalelagi mo tamaitai matutua uma i le Ekalesia. O le Aualofa e fesoasoani i fanau a le Atua e sauniuni ai e toe foi atu i Lona afio’aga. Na aoao mai e le Perofeta o Iosefa Samita e faapea o le faamoemoega o le Aualofa o le “lavea’i o agaga ma faamāmā mafatiaga”—tuuina atu o le mapusaga o le Faaola (tagai Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 9.1.1).

Failautusi

E fono e le aunoa le au peresitene o le Aualofa ma le failautusi (tagai i le 9.3.2.3). O tiutetauave o le failautusi e mafai ona aofia ai le sauniaina o lisi o mataupu mo ma le faamaumauina o faamatalaga i fonotaga, mataituina o tofitofiga, faatulagaina o faatalanoaga o auaunaga, tausia o le auai, auina atu o lipoti, fesoasoani e saunia se paketi faaletausaga, ma le tulitatao o tupe faaalu (tagai i le 9.3.3). E mafai ona valaauina failautusi fesoasoani ma se failautusi o auaunaga e fesoasoani i le failautusi (tagai i le 9.3.4).

Taitaiga ma Aufono

E fuafua e taitai o le Aualofa ia fonotaga o le Aso Sa, gaoioiga, auaunaga, galuega fesoasoani, ma isi fegalegaleaiga e fesoasoani ai i tamaitai ia auai i le faatinoga o le galuega a le Atua mo le faaolataga ma le faaeaga. E galulue faatasi sui auai o le Aualofa ma le korama a toeaina i le lotogatasi (tagai i le 9.2).

Sauniga o le Aso Sa

E potopoto aualofa i Aso Sa lona lua ma lona fa faatasi ai ma se faamoemoega e faateleina le faatuatua ia Iesu Keriso, fausia le lotogatasi, ma faamalolosia aiga ma auaiga. E amata le sauniga i le tatalo ma ia aofia ai le taimi mo le fefautuaai faatasi ma aoaoga o le talalelei ma talanoaga e faavae i lauga o konafesi aoao lata mai nei (tagai i le 9.2.1.2).

Auaunaga ma Gaoioiga

E mafai e au peresitene o Aualofa ona fuafuaina gaoioiga e faamalolosia ai le faatuatua o tuafafine ia Iesu Keriso, faateleina lo latou naunau e osia ma tausia feagaiga, ma tuu atu ia i latou avanoa e auauna faatasi ai. E vaavaaia e le peresitene nei gaoioiga ma mafai ona fai atu i se fesoasoani po o se isi uso e taitai i le fuafuaina ma faataunuu na gaoioiga (tagai i le 9.2.1.3).

Taiala ma Aiaiga Faavae

O loo maua taiala ma aiaiga faavae faaopoopo i le vaega 9.6 o le Tusitaulima Aoao.