Akong Calling isip usa ka Koordinitor sa Musika sa Stake

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Musika diha sa Simbahan

Ang sagrado nga musika mopalambo sa hugot nga pagtuo diha ni Jesukristo. Magdapit kini sa Espiritu ug magtudlo sa doktrina. Magmugna usab kini og usa ka pagbati sa balaang pagtahod, maghiusa sa mga miyembro, ug maghatag og paagi sa pagsimba sa Langitnong Amahan ug ni Jesukristo. Ang Ginoo namahayag, “Kay ang akong kalag mahimuot sa awit sa kasingkasing” (Doktrina ug mga Pakigsaad 25:12). (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 19.1.)

Koordinitor sa Musika sa Stake

Ang koordinitor sa musika sa stake motabang sa mga miyembro sa ward nga molambo diha sa hugot nga pagtuo ug sa pagsimba sa Langitnong Amahan ug ni Jesukristo pinaagi sa sagradong musika. Sila mokonsulta sa kapangulohan sa stake sa pagplano sa musika alang sa komperensiya stake ug sa ubang mga kalihokan. Ang mga seleksiyon sa musika kinahanglan makapalambo sa diwa sa pagsimba ug sa pagtudlo sa ebanghelyo inubanan sa gahom ug kaklaro. (Tan-awa sa 19.3.1.) Ang mga koordinitor sa musika moserbisyo isip usa ka kapanguhaan sa mga lider sa stake kabahin sa mga butang sa musika (tan-awa sa 19.5.2).

Musika alang sa mga Miting sa Stake

“Ang makadasig nga musika usa ka mahinungdanon nga bahin sa atong mga miting sa simbahan” (Mga Himno, Pasiuna Gikan sa Unang Kapangulohan). Ang mga komperensiya sa stake naglakip og mga himno ug ubang mga seleksiyon sa musika gikan sa usa ka choir, mga soloista, o gamayng mga grupo (tan-awa sa 19.3.4). Ang mga himno o ubang sagrado nga mga pinili nga musika mahimong gamiton alang sa prelude ug postlude nga musika, musika sa choir, ug sa nag-inusara [solo] o gamay nga gupo nga mga pasundayag. Ang mga koordinitor sa musika sa stake mahimong morekomendar og mga choir sa stake o mga choir sa daghang stake alang sa mga komperensiya og ubang mga okasyon, sama sa kalihokan sa kumunidad (tan-awa sa 19.3.7.2).

Pagbansay ug mga Kapangohaan

Ang mga koordinitor sa musika sa stake morekomendar ug modumala sa pagbansay sa musika diha sa stake kon gikinahanglan. Sila mohatag og pagbansay ug suporta alang sa mga koordinitor sa musika sa ward. (Tan-awa sa 19.6.) Kon walay tigduyog nga makuha alang sa mga miting sa stake, tan-awa sa seksiyon 19.4.3.2 sa Kinatibuk-ang Tamdanan nga Basahon aron ma-access ang narekord nga duyog.

Mga Lagda ug mga Palisiya

Alang sa dugang nga mga palisiya ug mga lagda, sama sa pagbaton og musika, paggamit sa mga instrumento sa mitinghouse alang sa pagbansay, o mga choir sa kumunidad, tan-awa sa seksiyon 19.7 sa Kinatibuk-ang Tamdanan nga Basahon.