Իմ կոչումը որպես ցցի երաժշտության համակարգող
Պարտականությունները
Տերը երախտապարտ է Իր Եկեղեցում ծառայելու ձեր պատրաստակամության համար: Ստորև ներկայացված է ձեր կոչման պարտականությունների ակնարկը:
Երաժշտության նպատակը եկեղեցում
Հոգևոր երաժշտությունը մեծացնում է Հիսուս Քրիստոսի հանդեպ հավատքը: Այն հրավիրում է Հոգուն և ուսուցանում է վարդապետություն: Այն նաև ստեղծում է ակնածանքի զգացում, միավորում է անդամներին և հնարավորություն է տալիս երկրպագել Երկնային Հորը և Հիսուս Քրիստոսին: Տերը հայտարարել է․ «Քանզի իմ հոգին հրճվում է սրտաբուխ երգով» (Վարդապետություն և Ուխտեր 25․12): (Տես Ընդհանուր ձեռնարկ. ծառայել Հիսուս Քրիստոսի Վերջին Օրերի Եկեղեցում, 19.1։)
Ցցի երաժշտության համակարգող
Ցցի երաժշտության համակարգողն օգնում է ծխի անդամներին սուրբ երաժշտության միջոցով մեծացնել հավատքն ու երկրպագությունը Երկնային Հոր և Հիսուս Քրիստոսի հանդեպ: Նրանք խորհրդակցում են ցցի նախագահության հետ, որպեսզի ծրագրեն երաժշտություն ցցի համաժողովի և այլ միջոցառումների համար: Երաժշտության ընտրանին պետք է բարելավի երկրպագության ոգին և ուսուցանի ավետարանը զորությամբ և հստակությամբ: (Sես 19.3.1։) Երաժշտության համակարգողները ծառայում են որպես ռեսուրս երաժշտության հարցերով ցցերի ղեկավարների համար (տես 19.5.2):
Երաժշտություն ցցի ժողովների համար
«Ոգեշնչող երաժշտությունը մեր եկեղեցական ժողովների կարեւոր մասն է» (Հիմներ, Առաջին Նախագահության նախաբան)։ Ցցի համաժողովների ժամանակ երգում են երգչախմբի, մենակատարների կամ փոքր խմբերի օրհներգեր և այլ ընտրանի (տես 19.3.4)։ Օրհներգերը կամ հոգևոր երաժշտության այլ երգերը կարող են օգտագործվել նախերգանքի, ժողովից հետո երաժշտության, երգչախմբային երաժշտության և մենակատարների կամ փոքր խմբերի կատարումների համար: Ցցի երաժշտության համակարգողները կարող են ցցի կամ տարբեր ցցերից մասնակցող երգչախմբերի առաջարկներ անել համաժողովների կամ այլ առիթների համար, ինչպիսիք են համայնքային միջոցառումները (տես 19.3.7.2):
Ուսուցում և նյութեր
Ցցի երաժշտության համակարգողները անհրաժեշտության դեպքում առաջարկում են կատարել երաժշտության ուսուցում և վերահսկում են այն։ Նրանք ուսուցանում և աջակցում են ծխի երաժշտության համակարգողներին։ (Տես 19.6։) Եթե ցցի ժողովների համար նվագող չկա, տե՛ս 19.4.3.2 բաժինը Ընդհանուր Ձեռնարկում, որպեսզի նվագարկեք ձայնագրված երգերը:
Ուղեցույցներ և քաղաքականություն
Լրացուցիչ քաղաքականության և ուղեցույցների համար, ինչպիսիք են երաժշտության ձեռքբերումը, փորձերի համար հավաքատների գործիքների օգտագործումը կամ համայնքային երգչախմբերը, տե՛ս 19.7 բաժինը Ընդհանուր Ձեռնարկում: