Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan para iti calling-mo.

Panggep ti Musika iti Simbaan

Ti sagrado a musika ket mangpapigsa iti pammati ken ni Jesucristo. Daytoy ti mangyawis iti Espiritu ken mangisuro iti doktrina. Mangparnuay pay daytoy iti rikna ti panagraem, mamagkaykaysa kadagiti miembro, ken mangipaay iti wagas a panagdaydayaw iti Nailangitan nga Ama ken ni Jesucristo. Impakdaar ti Apo, “Ta maragsakan ti kararuak iti kanta ti puso” (Doktrina ken Katulagan 25:12). (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 19.1.)

Music Coordinator iti Stake

Tulongan ti music coordinator iti stake dagiti miembro ti ward a mangpapigsa iti pammati ken panagdaydayawda iti Nailangitan nga Ama ken ni Jesucristo babaen ti sagrado a musika. Agkonsultada iti panguluen ti stake tapno agplanoda iti musika para iti komperensia ti stake ken iti dadduma pay a pasken. Dagiti napili a musika ket rumbeng a mangpasayaat iti espiritu ti panagdaydayaw ken mangisuro iti ebanghelio nga addaan bileg ken kinalawag. (Kitaen iti 19.3.1.) Agserbi dagiti music coordinator kas maysa a resource kadagiti lider iti stake kadagiti banag a mainaig iti musika (kitaen iti 19.5.2).

Musika para kadagiti Miting iti Stake

“Ti makaparegta a musika ket nasken a paset dagiti mitingtayo iti simbaan” (Hymns, Pakauna ti Umuna a Panguluen). Dagiti komperensia ti stake ket iramanna dagiti himno ken dadduma pay a napili a musika manipud iti maysa a koro, dagiti soloista, wenno babassit a grupo (kitaen iti 19.3.4). Mabalin nga usaren dagiti himno wenno dadduma pay a sagrado a napili a musika para iti prelude ken postlude a musika, musika ti koro, ken dagiti solo wenno presentasion dagiti babassit a grupo. Mabalin nga irekomenda dagiti music coordinator iti stake dagiti stake wenno multistake a koro para kadagiti komperensia wenno dadduma pay nga okasion, kas kadagiti pasken iti komunidad (kitaen iti 19.3.7.2).

Panagsanay ken Resources

Irekomenda ken imatonan dagiti music coordinator iti stake ti panagsanay iti musika iti stake no kasapulan. Mangipaayda iti panagsanay ken suporta para kadagiti ward music coordinator. (Kitaen iti 19.6.) No awan ti accompanist para kadagiti miting iti stake, kitaen iti benneg 19.4.3.2 ti Sapasap a Handbook tapno magun-odan dagiti nairekord nga accompaniment.

Dagiti Pangiwanwan ken Annuroten

Para kadagiti mainayon a pangiwanwan ken annuroten, kas iti pananggun-od iti musika, panangusar kadagiti instrumento iti balay a pagmimitingan para iti panagensayo, wenno dagiti koro ti komunidad, kitaen iti benneg 19.7 ti Sapasap a Handbook