Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Unin Al ko ilo Kabun̄

Al kwojarjar ko rej kōļapļo̧k tōmak ilo Jisōs Kraist. Ej karuwaineneiktok Jetōb eo im ej katakin katak eo. Ej barāinwōt ejaake juon en̄jake in kautiej, ej kobaik membōr ro, im ej letok juon wāween n̄an kabun̄ jar n̄an Jemedwōj Ilan̄ im Jisōs Kraist. Irooj ekar kwaļo̧k, “Bwe Aō ej lan̄lōn̄ ilo al ko an bōro” (Katak im Bujen Ko 25:12). (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 19.1.)

Rilolorjake Al an Stake

Rilolorjake al an stake ej jipan̄ membōr ro an ward eo kōļapļo̧k tōmak ilo im kabun̄jar n̄an Jemādwōj Ilan̄ im Jisōs Kraist kōn al ko rekwojarjar. Rej kweilo̧k ippān stake būreejtōnji eo n̄an karōk al n̄an kweilo̧k eo eļap an stake im m̧akūtkūt ko jet. Ekkālel in al ko rej aikuj in kōļapļo̧k jetōb in kabun̄jar im katakin gospel eo kōn kajoor im alikkar. (Lale 19.3.1.) Rilolorjake al ro rej jerbal āinwōt kein jipan̄ n̄an ritōl ro an stake ilo un/men ko raorōk an al (lale 19.5.2).

Al n̄an Kweilo̧k ko an Stake

“Al ko rem̧m̧an rej juon m̧ōttan eaorōk an kweilo̧k ko an kabun̄ eo ad” (Hymns, First Presidency Preface). Kweilo̧k ko reļļap an stake ekitbuuj al in jar ko im al ko kāleti jān juon kuwaer, juon ļo̧k make, ak kūrup ko reddik (lale 19.3.4). Al in jar ko ak al ko jet rekwojarjar kāāleti maron̄ kōjerbali n̄an al ko ilo jinoin im jem̧ļo̧kin, al ko an kuwaer, im iien al ko an juon ļo̧k make im juon kumi jidikdik. Rilolorjake al ro an stake remaron̄ nōbar/kile kuwaer ko an stake ak ruo stake ko ak m̧akūtkūt ko jet, āinwōt m̧akūtkūt ko an jukjukinpād (lale 19.3.7.2).

Kaminene im Kein Jipan̄ ko

Rilolorjake al ro an stake rej kile/elmakoteļo̧k im lale kamminene in al ilo stake n̄e emenin aikuj. Rej leļo̧k kamminene im jipan̄ n̄an rilolorjake al ro an ward. (Lale 19.6.) Eļan̄n̄e ejjeļo̧k rikōjan̄jan̄ n̄an kweilo̧k ko an stake, lale jekjōn 19.4.3.2 in Bok in Bōk Meļeļe Eļap n̄an bōk kōjan̄jan̄ ko kar rekooti.

Unin Tōl im Kakien ko

N̄an eļapļo̧k kakien im unin tōl ko jet, āinwōt bōk al ko, kōjerbale kein kōjan̄jan̄ ko an m̧ōnjar eo n̄an ekkatak, ak kuwaer ko an jukjukinpād ko, lale jekjōn 19.7 in Bok in Bōk Meļeļe Eļap.