Akong Calling isip usa ka Espesyalista sa Musika sa Stake

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Musika diha sa Simbahan

Ang sagrado nga musika mopalambo sa hugot nga pagtuo diha ni Jesukristo. Magdapit kini sa Espiritu ug magtudlo sa doktrina. Magmugna usab kini og usa ka pagbati sa balaang pagtahod, maghiusa sa mga miyembro, ug maghatag og paagi sa pagsimba sa Langitnong Amahan ug ni Jesukristo. Ang Ginoo mipahayag, “Ang akong kalag mahimuot sa awit sa kasingkasing” (Doktrina ug mga Pakigsaad 25:12). (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 19.1.)

Espesyalista sa Musika sa Stake

Ang mga espesyalista sa musika sa stake motabang sa mga miyembro sa stake nga molambo ang hugot nga pagtuo ug pagsimba sa Langitnong Amahan ug ni Jesukristo pinaagi sa sagrado nga musika. Ang mga espesyalista mahimong mobuhat sa piho nga mga panginahanglan sa musika sa stake, sama sa direktor sa choir, lider sa musika, o tigduyog, alang sa mga miting o mga kalihokan sa stake. Sila mahimong hangyoon usab sa paghatag og pagbansay sa musika. (Tan-awa sa 19.5.3.) Alang sa dugang nga mga detalye mahitungod sa pagbansay sa musika, tan-awa ang seksiyon 19.6 sa Kinatibuk-ang Tamdanan.

Mga Lagda ug mga Palisiya

Alang sa dugang nga mga palisiya ug mga lagda, sama sa pag-angkon og musika, paggamit sa mga instrumento sa meetinghouse alang sa pagbansay, o mga choir sa komunidad, tan-awa ang seksiyon 19.7 sa Kinatibuk-ang Tamdanan nga Basahon.