tamaitai o loo taitaia le aufaipese

O Lo’u Valaauga o se Tagata Tomai Faapitoa mo Musika a le Siteki

Tiutetauave

E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o Musika i le Ekalesia

O musika paia e faateleina ai le faatuatua ia Iesu Keriso. E valaaulia ai le Agaga ma aoao atu ai aoaoga faavae. E fatuina ai foi se lagona o le migao, soofaatasia tagata o le ekalesia, ma saunia se ala e tapuai ai i le Tama Faalelagi ma Iesu Keriso. Na folafola mai e le Alii, “Aua e fiafia lou agaga i le pese a le loto” (Mataupu Faavae ma Feagaiga 25:12). (Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 19.1.)

Tagata Tomai Faapitoa mo Musika a le Siteki

E fesoasoani tagata tomai faapitoa mo musika a le siteki i tagata o le siteki e faateleina le faatuatua ma le tapuai i le Tama Faalelagi ma Iesu Keriso e ala i musika paia. E mafai e tagata tomai faapitoa ona faatumuina manaoga patino o musika a le siteki, e pei o le faatonu o le aufaipese, taitai musika, po o le ta laau, mo sauniga a le siteki po o gaoioiga. E mafai foi ona talosagaina i latou e tuuina atu aoaoga tau musika. (Tagai i le 19.5.3.) Mo faamatalaga auiliili e uiga i le aoaoina o musika, tagai i le vaega 19.6 o le Tusitaulima Aoao.

Taiala ma Aiaiga Faavae

Mo aiaiga ma taiala faaopoopo, e pei o le mauaina o musika, faaaogaina o mea faimusika o falelotu mo faataitaiga, po o aufaipese a le alalafaga, tagai i le vaega 19.7 o le Tusitaulima Aoao.