Akong Calling isip usa ka Presidente sa Primary sa Stake

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Primary

Ang Primary motabang sa kabataan nga mobati sa gugma sa ilang Langitnong Amahan; makakat-on mahitungod sa Iyang plano sa kalipay; mosunod sa ebanghelyo ni Jesukristo; ug mobati, moila, ug molihok sa impluwensiya sa Espiritu Santo. Ang Primary usa usab ka panahon sa pagpangandam, paghimo ug pagtuman sa sagrado nga mga pakigsaad samtang ang kabataan moapil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 12.1.)

Presidente sa Primary sa Stake

Ang presidente sa Primary sa stake moserbisyo ubos sa direksyon sa kapangulohan sa stake. Siya moalagad isip usa ka sakop sa konseho sa ward. Ang presidente mangulo sa kapangulohan sa Primary sa stake. Isip usa ka kapangulohan, ang mga responsibilidad naglakip sa pagtudlo sa bag-ong natawag nga mga kapangulohan sa Primary sa ward, pagtanyag og padayon nga suporta ug instruksiyon, ug pagbisita sa mga klase ward diha sa stake. Kon dapiton, mahimo silang motambong sa mga miting sa coordinating council ug mamulong diha sa mga panagtigom alang sa sakramento ug ubang mga higayon (tan-awa sa 6.7.1).

Mga Miting ug mga Konseho

Ang kapangulohan sa Primary sa stake kinahanglang magtinambagay kanunay. Ang presidente motambong sa tinuig nga mga miting sa pagpangulo sa stake (tan-awa sa 29.3.4), moalagad diha sa konseho sa stake, ug motambong sa mga miting sa Coordinating Council kon dapiton sa Area Seventy (tan-awa sa 29.4).

Mga Kalihokan sa Primary

Ang kapangulohan sa Primary sa stake magplano panagsa og mga kalihokan sa stake alang sa mga bata nga nag-edad og 8 hangtod 11. Kini nga mga kalihokan mahimong alang sa mga batang babaye, mga batang lalaki, o sa duha (tan-awa sa 6.7.1.3).

Mga Lagda ug mga Palisiya

Ang tanang hamtong nga naglihok uban sa kabataan ug kabatan-onan kinahanglang mokompleto sa pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Ang mga lagda ug mga palisiya kabahin sa kabataan nga adunay espesyal nga mga panginahanglan, mga kinahanglanon sa kahilwasan, ang Programa sa Kabataan ug Kabatan-onan, ug uban pa makita sa seksiyon 12.5 sa Kinatibuk-ang Tamdanan nga Basahon.