Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Jibadbad eo an Būraimere

Būraimere ej jipan̄ ajri ro en̄jake iakwe eo an Jemeer Ilan̄; katak kōn karōk eo An ekam̧ōņōņō; mour kōn gospel eo an Jisōs Kraist; im en̄jake, kile, im ļoor im̧we eo an Jetōb Kwojarjar. Būraimere ej barāinwōt juon iien n̄an m̧aanjabpopo n̄an, kōm̧m̧an, im kōjparok bujen ko rekwojarjar ilo an ajri ro bōk koņaer ilo jerbal in lo̧mo̧o̧r eo an Anij im mour ijo eutiej tata. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.1.)

Būreejtōnji an Stake Būraimere

Būreejtōn eo an Stake Būraimere ej jerbal ium̧win tōl eo an stake būreejtōnji eo. Ej jerbal āinwōt juon mem̧bōr in stake ko̧o̧njeļ eo. Būreejtōn eo ej tōl stake Būraimere būreejtōnji eo. Āinwōt juon būreejtōnji, eddo ko rōkūtbuuj ejake juon ward Būraimere būreejtōnji ko, wōnm̧aanļo̧k wōt im leļo̧k jipan̄ im kappe ko, im loļo̧k kūlaaj ko an ward ilo stake. Ilo ien kūr ko, remaron̄ bōk koņaer ilo kweilo̧k ko an council n̄an karōk pepe ko im konono ilo kweilo̧k ko an iien jar eo ak jikin im iien ko jet (lale 6.7.1).

Kweilo̧k ko im Ko̧o̧njeļ ko

Stake Būraimere būreejtōnji eo ej aikuij bōk kapilōk ippen doon kajjojo raan. Būreejtōn eo ej aikuij pād ilo kweilo̧k ko an aolep ritōl ro kajjojo iiō (lale 29.3.4), bōk koņaan ilo stake ko̧o̧njeļ eo, im pād ilo kwelo̧k ko an ko̧o̧njeļ n̄an karōk pepe ko ilo iien ko kūr jān Area Seventy (lale 29.4).

M̧akūtkūt ko an Būraimere

Stake Būraimere būreejtōnji eo emaron̄ jet iien karōk m̧akūtkūt an stake n̄an ajri ro 8 n̄an 11 iiō dettaer. Makūtkūt kein remaron̄ n̄an leddik ro, ļaddik ro, ak jim̧or. (lale 6.7.1.3).

Unin Tōl im Kakien ko jet

Aolep rūtto ro rej jerbal ippān ajri ro im jodikdik ro rej aikuj kadedeļo̧k kaminene eo an Kōjparok Ajri ro im Jodikdik ro ilowaan wōt juon allōn̄ jān ke raar rejtake (ProtectingChildren.ChurchofJesusChrist.org Unin tōl ko im kakien ko ikkijen ajri ro ewōr aer utam̧we ko rein juon, men ko aikuji kōn kōjparok (safety requirement), būrookraam̧ eo an Ajri ro im Jodikdik ro, im ko jet loi ilo jekjōn 12.5 an Bok in Bōk Meļeļe Eļap.