O Lo’u Valaauga o se Peresitene o le Peraimeri

Tiutetauave

E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o le Peraimeri

E fesoasoani le Peraimeri i tamaiti ia lagonaina le alofa o lo latou Tama Faalelagi; aoao e uiga i Lana fuafuaga o le fiafia; ola i le Talalelei a Iesu Keriso; ma lagona, iloa, ma faatino e ala i le tosinaga a le Agaga Paia. O le Peraimeri o se taimi foi e saunia ai, osia, ma tausia feagaiga paia a o auai tamaiti i le galuega a le Atua o le faaolataga ma le faaeaga. (Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 12.1.)

Peresitene o le Peraimeri a le Siteki

O le peresitene o le Peraimeri o le siteki e auauna atu i lalo o le taitaiga a le au peresitene o le siteki. E avea o ia o se sui auai o le aufono a le siteki. E taitaia e le peresitene le au peresitene o le Peraimeri a le siteki. I le avea ai ma se au peresitene, o tiutetauave e aofia ai le faamasaniina o au peresitene fou o le Peraimeri a uarota, ofoina atu o le lagolago ma aoaoga faifai pea, ma vasega asiasi a uarota i le siteki. Pe a valaauliaina, e mafai ona latou auai i fonotaga faamaopoopo a aufono ma lauga i sauniga faamanatuga ma isi nofoaga (tagai i le 6.7.1).

Fonotaga ma Aufono

E tatau i le au peresitene o le Peraimeri a le siteki ona fefautuaai faatasi e le aunoa. E auai le peresitene i fonotaga faaletausaga a taitai o siteki (tagai i le 29.3.4), auauna atu i le aufono a le siteki, ma auai i fonotaga faamaopoopo a aufono pe a valaaulia e Fitugafulu Eria (tagai i le 29.4).

O Gaoioiga a le Peraimeri

O le au peresitene o le Peraimeri a le siteki e mafai ona fuafuaina i nisi taimi ni gaoioiga faalesiteki mo tamaiti e ta’i 8 i le ta’i 11 tausaga. O nei gaoioiga e mafai ona fai mo teineiti, tamaiti, po o latou uma (tagai i le 6.7.1.3).

Taiala ma Aiaiga Faavae

O tagata matutua uma e galulue ma tamaiti ma le autalavou e tatau ona faamae’aina le a’oa’oga faamasani o le Puipuiga o Tamaiti ma le Autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). O taiala ma aiaiga faavae e faatatau i tamaiti e i ai manaoga faapitoa, tulaga manaomia mo le saogalemu, le polokalama a Tamaiti ma le Autalavou, ma isi o loo maua i le vaega 12.5 o le Tusitaulima Aoao.