Akong Calling isip usa ka Secretary sa Primary sa Stake

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Primary

Ang Primary motabang sa kabataan nga mobati sa gugma sa ilang Langitnong Amahan; makakat-on mahitungod sa Iyang plano sa kalipay; mosunod sa ebanghelyo ni Jesukristo; ug mobati, moila, ug molihok sa impluwensiya sa Espiritu Santo. Ang Primary usa usab ka panahon sa pagpangandam, paghimo, ug pagtuman sa sagrado nga mga pakigsaad samtang ang kabataan moapil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 12.1.)

Secretary sa Primary sa Stake

Ang secretary sa Primary sa stake mosuporta sa kapangulohan sa Primary sa stake. Ubos sa direksiyon sa presidente sa Primary, ang secretary responsable sa pag-andam og mga agenda alang sa mga miting sa kapangulohan, maghimo og mubo nga mga sulat sa mga miting sa kapangulohan ug mosubay sa mga buluhaton, motipig sa ubang mga rekord ug mag-andam og mga report segun sa ihangyo sa kapangulohan, motabang sa kapangulohan sa pag-andam sa tinuig nga badyet alang sa ilang organisasyon, morekord sa mga galastohan, ug mohatag og pagbansay alang sa mga secretary sa organisasyon sa ward segun sa itahas (tan-awa sa 6.7.3).

Mga Lagda ug mga Palisiya

Ang tanang hamtong nga naglihok uban sa kabataan ug kabatan-onan kinahanglang mokompleto sa pagbansay sa Pagpanalipod sa Kabataan ug Kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Ang mga lagda ug mga palisiya kabahin sa kabataan nga adunay espesyal nga mga panginahanglan, mga kinahanglanon sa kahilwasan, ang Programa sa Kabataan ug Kabatan-onan, ug uban pa makita sa seksiyon 12.5 sa Kinatibuk-ang Tamdanan nga Basahon.