Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakabuklan dagiti pagrebbengan para iti calling-mo.

Panggep ti Primary

Tulongan ti Primary dagiti ubbing a makarikna iti ayat ti Nailangitan nga Amada; makasursuro maipapan iti planona iti kinaragsak; agbiag iti ebanghelio ni Jesucristo; ken mangrikna, mangbigbig, ken agtignay iti impluensia ti Espiritu Santo. Ti Primary ket panawen pay ti panagsagana, panagaramid, ken panagtungpal kadagiti sagrado a katulagan bayat ti pannakipaset dagiti ubbing iti aramid ti Dios iti pannakaisalakan ken pannakaitan-ok. (Kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 12.1.)

Stake Secretary ti Primary

Ti secretary ti stake Primary ket suportaranna ti stake Primary presidency. Iti babaen ti panangiturong ti Primary president, ti secretary ket responsable a mangisagana kadagiti agenda para kadagiti miting ti presidency, mangala kadagiti notes kadagiti miting ti presidency ken mangsurot kadagiti assignment, mangidulin kadagiti dadduma a rekord ken mangisagana kadagiti report kas kiddaw ti presidency, tumulong iti presidency a mangisagana iti tinawen a badyet para iti organisasion, kuenta dagiti gastos, ken mangipaay iti panagsanay para kadagiti secretary ti organisasion ti ward kas naituding (kitaen iti 6.7.3).

Dagiti Pangiwanwan ken Annuroten

Amin a nataengan a makipagtrabaho kadagiti agtutubo ket nasken a leppasenda ti training iti Panangsaluad kadagiti Ubbing ken Agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Dagiti pangiwanwan ken annuroten maipanggep kadagiti ubbing nga addaan iti pagkurangan, kasapulan iti panangtalged, ti programa dagiti Ubbing ken Agtutubo, ken dadduma pay ket masarakan iti benneg 12.5 ti Sapasap a Handbook.