ការហៅរបស់ខ្ញុំជាលេខាអង្គការបឋមសិក្សាស្តេក
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងនៃអង្គការបឋមសិក្សា
អង្គការបឋមសិក្សាជួយឲ្យកុមារទទួលអារម្មណ៍នៃសេចក្ដីស្រឡាញ់របស់ព្រះវរបិតាសួគ៌របស់ពួកគេ រៀនអំពីផែនការនៃសុភមង្គលរបស់ទ្រង់ រស់នៅតាមដំណឹងល្អរបស់ព្រះយេស៊ូវគ្រីស្ទ និងមានអារម្មណ៍ ស្គាល់ និងធ្វើតាមឥទ្ធិពលនៃព្រះវិញ្ញាណបរិសុទ្ធ ។ អង្គការបឋមសិក្សាក៏ជាពេលវេលាសម្រាប់រៀបចំខ្លួន ចុះ និងរក្សាសេចក្ដីសញ្ញាពិសិដ្ឋ នៅពេលដែលកុមារចូលរួមនៅក្នុងកិច្ចការនៃសេចក្ដីសង្គ្រោះ និងភាពតម្កើងឡើងរបស់ព្រះផងដែរ ។ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ, ១២.១. ) ។
លេខាអង្គការបឋមសិក្សាស្តេក
លេខាអង្គការបឋមសិក្សាស្តេកគាំទ្រគណៈប្រធានអង្គការបឋមសិក្សាស្តេក ។ ក្រោមការដឹកនាំរបស់ប្រធានអង្គការបឋមសិក្សា លេខាទទួលបន្ទុករៀបចំរបៀបវារៈសម្រាប់ការប្រជុំគណៈប្រធាន កត់ចំណាំនៅក្នុងការប្រជុំគណៈប្រធាន និងតាមដានការចាត់តាំងនានា និងរក្សាកំណត់ត្រាផ្សេងៗ ហើយរៀបចំរបាយការណ៍តាមការស្នើសុំពីគណៈប្រធាន ជួយគណៈប្រធានរៀបចំគម្រោងថវិកាប្រចាំឆ្នាំសម្រាប់អង្គការរបស់ពួកគេ ចាត់ចែងការចំណាយ និងផ្តល់ការបំពាក់បំប៉នដល់លេខាអង្គការទាំងឡាយក្នុងវួដតាមការចាត់តាំង ( សូមមើល ៦.៧.៣ ) ។
គោលការណ៍ណែនាំ និងគោលនយោបាយនានា
មជ្ឈិមវ័យទាំងអស់ដែលធ្វើការជាមួយកុមារ និងយុវវ័យត្រូវតែបំពេញវគ្គបណ្តុះបណ្តាលការការពារកុមារ និងយុវវ័យក្នុងរយៈពេលមួយខែក្រោយពីត្រូវបានគាំទ្រចំពោះការហៅ ( នៅលើគេហទំព័រ ProtectingChildren.ChurchofJesusChrist.org ) ។ ការណែនាំ និងគោលនយោបាយនានាដែលទាក់ទងនឹងកុមារដែលមានតម្រូវការពិសេស តម្រូវការសុវត្ថិភាព កម្មវិធីកុមារ និងយុវជន និងកម្មវិធីផ្សេងទៀតអាចរកបាននៅក្នុងផ្នែក ១២.៥ នៃ ក្បួនខ្នាតទូទៅ ។