Kūr eo Aō āinwōt juon Rijeje an Stake Būraimere

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļe ekadu in eddo ko n̄an kūr eo am̧.

Jibadbad eo an Būraimere

Būraimere ej jipan̄ ajri ro en̄jake iakwe eo an Jemeer Ilan̄; katak kōn karōk eo An ekam̧ōņōņō; mour kōn gospel eo an Jisōs Kraist; im en̄jake, kile, im ļoor im̧we eo an Jetōb Kwojarjar. Būraimere ej barāinwōt juon iien n̄an m̧aanjabpopo n̄an, kōm̧m̧an, im kōjparok bujen ko rekwojarjar ilo an ajri ro bōk koņaer ilo jerbal in lo̧mo̧o̧r eo an Anij im mour ijo eutiej tata. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 12.1.)

Rijeje an Būraimere an Stake

Rijeje eo an Stake Būraimere ej rie būreejtōnji eo an stake Būraimere. Ilo iumin tōl eo an būreejtōn eo an Būraimere, rijeje eo ej eddo in kepooj agenda in kweilo̧k ko an būreejtōnji eo, je kakeememej ko ilo kweilo̧k ko an būreejtōnji eo im ļo̧o̧ki jerbal in kūr ko, kōjpārok rekoot ko jet im kepooj ripoot ko ilo ad būreejtōnji eo kajjitōki, jipan̄ būreejtōnji eo kepooj bajet eo an aolep iiō n̄an doulul eo aer, lale kilen an jāān ko jerbal, im kōm̧m̧an ekkatak n̄an rijeje ko ilo ward ko n̄e kūri n̄an kōm̧m̧ani (lale 6.7.3).

Unin Tōl im Kakien ko jet

Aolep rūtto ro rej jerbal ippān ajri ro im jodikdik ro rej aikuj kadedeļo̧k kaminene eo an Kōjparok Ajri ro im Jodikdik ro ilowaan wōt juon allōn̄ jān ke raar rejtake (ProtectingChildren.ChurchofJesusChrist.org Unin tōl ko im kakien ko ikkijen ajri ro ewōr aer utam̧we ko rein juon, men ko aikuji kōn kōjparok (safety requirement), būrookraam̧ eo an Ajri ro im Jodikdik ro, im ko jet loi ilo jekjōn 12.5 an Bok in Bōk Meļeļe Eļap.