O Lo’u Valaauga o se Failautusi o le Peraimeri a le Siteki

Tiutetauave

E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o le Peraimeri

E fesoasoani le Peraimeri i tamaiti ia lagonaina le alofa o lo latou Tama Faalelagi; aoao e uiga i Lana fuafuaga o le fiafia; ola i le Talalelei a Iesu Keriso; ma lagona, iloa, ma faatino e ala i le tosinaga a le Agaga Paia. O le Peraimeri o se taimi foi e saunia ai, osia, ma tausia feagaiga paia a o auai tamaiti i le galuega a le Atua o le faaolataga ma le faaeaga. (Tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 12.1.)

Failautusi o le Peraimeri a le Siteki

E lagolagoina e le failautusi a le Peraimeri a le siteki le au peresitene o le Peraimeri a le siteki. I lalo o le taitaiga a le peresitene o le Peraimeri, e nafa le failautusi ma le saunia o lisi o mea e fai mo fonotaga a le au peresitene, tusi ni faamatalaga i fonotaga a le au peresitene ma siaki ia tofiga, tausia isi faamaumauga ma saunia lipoti e pei ona talosagaina ai e le au peresitene, fesoasoani i le au peresitene e saunia le paketi faaletausaga mo la latou faalapotopotoga, teugatupe mo tupe faaalu, ma tuuina atu aoaoga mo failautusi o faalapotopotoga a uarota e pei ona tofia ai (taga i le 6.7.3).

Taiala ma Aiaiga Faavae

O tagata matutua uma e galulue ma tamaiti ma le autalavou e tatau ona faamae’aina le a’oa’oga faamasani o le Puipuiga o Tamaiti ma le Autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). O taiala ma aiaiga faavae e faatatau i tamaiti e i ai manaoga faapitoa, tulaga manaomia mo le saogalemu, le polokalama a Tamaiti ma le Autalavou, ma isi o loo maua i le vaega12.5 o le Tusitaulima Aoao.