Ko Hoku Uiuiʻi ko ha Sekelitali ʻo e Palaimelí he Siteikí

Ngaahi Fatongiá

ʻOku houngaʻia ʻa e ʻEikí ʻi hoʻo loto-fiemālie ke ngāue ʻi Hono Siasí. ʻOku ʻoatu ʻi lalo ha vakai fakalūkufua ki he ngaahi fatongia ʻi ho uiuiʻí.

Taumuʻa ʻo e Palaimelí

ʻOku tokoni ʻa e Palaimelí ke ongoʻi ʻe he fānaú ʻa e ʻofa ʻa ʻenau Tamai Hēvaní; ako fekauʻaki mo ʻEne palani ʻo e fiefiá; moʻui ʻaki ʻa e ongoongolelei ʻo Sīsū Kalaisí; pea ongoʻi, ʻiloʻi, mo ngāue ʻo fakatatau mo e ivi tākiekina ʻo e Laumālie Māʻoniʻoní. Ko e Palaimelí ko ha taimi foki ia ke mateuteu, fakahoko, mo tauhi ai ʻa e ngaahi fuakava toputapú ʻi he kau ʻa e fānaú ʻi he ngāue ʻa e ʻOtuá ki he fakamoʻuí mo e hakeakiʻí. (Vakai, Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 12.1.)

Sekelitali ʻo e Palaimelí he Siteikí

ʻE poupouʻi ʻe he sekelitali ʻo e Palaimelí he siteikí ʻa e kau palesitenisī Palaimeli he siteikí. Fakatatau mo e fakahinohino ʻa e palesiteni ʻo e Palaimelí, ʻoku fatongia ʻaki ʻe he sekelitalí hono teuteu ʻo e ʻasenita ki he ngaahi fakataha fakapalesitenisií, hiki fakamatala ʻi he ngaahi fakataha fakapalesitenisií mo muimuiʻi ʻa e ngaahi ngāue ne vahé, tauhi ʻa e ngaahi lekooti kehé mo teuteu ʻa e ngaahi lipōtí ʻi hano kole ʻe he kau palesitenisií, tokoni ki he kau palesitenisií ʻi hono teuteu ʻo e patiseti fakataʻu ʻenau houalotú, fakamatala ki he ngaahi fakamolé, mo fai ha ako ki he kau sekelitali ʻi he houalotu ʻa e uōtí ʻi hano vahe ange (vakai, 6.7.3).

Ngaahi Fakahinohinó mo e Ngaahi Tuʻutuʻuní

Kuo pau ke fakakakato ʻe he kakai lalahi kotoa pē ʻoku ngāue mo e fānaú mo e toʻu tupú ʻa e ako ki hono Maluʻi ʻo e Fānaú mo e Toʻu Tupú ʻi loto ʻi he māhina ʻe taha hono hikinimaʻi kinautolú (ProtectingChildren.ChurchofJesusChrist.org). ʻOku maʻu ʻa e ngaahi fakahinohino mo e ngaahi tuʻutuʻuni fekauʻaki mo e fānau ʻoku ʻi ai ʻenau ngaahi fiemaʻu makehé, ngaahi fiemaʻu ki he malú, polokalama ʻa e Fānaú mo e Toʻu Tupú, mo e niʻihi kehé ʻi he vahe 12.5 ʻo e Tohi Tuʻutuʻuni Fakakātoá.