Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.

Panggep ti Relief Society

Ti Relief Society ket maysa a nadiosan a naipasdek nga organisasion para kadagiti amin a nataengan a babbai iti Simbaan. Tumulong ti Relief Society kadagiti annak ti Dios nga agsagana nga agsubli iti imatangna. Insuro ni Propeta Joseph Smith a ti panggep ti Relief Society ket tapno “mangisalakan kadagiti kararua ken mangpabang-ar iti panagsagaba”—panangipaay iti tulong ti Mangisalakan (kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 9.1).

Presidente ti Relief Society iti Stake

Addaan dagiti miembro ti Relief Society iti stake iti adu a pagrebbengan a pakairamanan ti panang-orient kadagiti kabarbaro a naawagan a panguluen ti Relief Society iti ward ken panangipaay iti agtultuloy a suporta; panangisuro kadagiti presidente ti Relief Society iti ward kadagiti pagbatayan ti ministering, family history, ken aramid ti misionario (kitaen iti 9.5); panangpapigsa kadagiti kakabsat a babbai a single adult; panangitunos kadagiti panagkagumaan iti emerhensia; panagsarita kadagiti miting ti sakramento ken dadduma pay a kasasaad; ken panangsarungkar kadagiti miting iti Relief Society iti ward (kitaen iti 6.7.1).

Dagiti Miting ken Konseho

Masansan nga agiinnuman ti panguluen ti Relief Society iti stake. Agserbi ti maysa a miembro ti panguluen kadagiti komite ti young single adult ken single adult, no mabukel. Dumar-ay ti panguluen kadagiti tinawen a miting iti panangidaulo iti stake ken mangiwanwan kadagiti panguluen ti Relief Society iti ward kadagita a miting (kitaen iti 29.3.9), agserbi iti konseho iti panangidaulo iti nataengan (dagiti presidente laeng) ken komite iti stake, ken dumar-ay kadagiti miting ti konseho iti panangitunos (coordinating council) no awisen ti Area Seventy (kitaen iti 29.4).

Serbisio ken dagiti Aktibidad

Mabalin a planuen ti panguluen ti Relief Society iti stake ti maysa wenno dua a miting iti tunggal tawen para kadagiti amin a kakabsat a babbai iti Relief Society iti stake. Mabalin a karaman dagitoy a miting ti serbisio, dagiti klase, proyekto, komperensia, wenno workshop (kitaen iti 6.7.1.1). Mabalin dagiti panguluen ti Relief Society, Young Women, ken Primary iti stake a sagpaminsan a planuenda a pagkakaduaen dagiti aktibidad para kadagiti organisasionda (kitaen iti 6.7.1).

Dagiti Pangiwanwan ken Annuroten

Masarakan dagiti mainayon a pangiwanwan ken annuroten iti benneg 9.6 ti Sapasap a Handbook