O Lo’u Valaauga o se Peresitene o le Aualofa a le Siteki
Tiutetauave
E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.
Faamoemoega o le Aualofa
O le Aualofa o se faalapotopotoga na faatuina faalelagi mo tamaitai matutua uma i le Ekalesia. O le Aualofa e fesoasoani i fanau a le Atua e sauniuni ai e toe foi atu i Lona afioaga. Na aoao mai le Perofeta o Iosefa Samita e faapea o le faamoemoega o le Aualofa o le “laveai o agaga ma faamama i mafatiaga”—tuuina atu o le mapusaga o le Faaola (tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 9.1).
Peresitene o le Aualofa a le Siteki
E tele tiutetauave o sui auai o le au peresitene o le Aualofa a le siteki e aofia ai le aoaoina o au peresitene fou ua valaauina o le Aualofa a uarota ma le tuuina atu o le lagolago faifai pea; aoaoina o peresitene o le Aualofa a le uarota i mataupu faavae o le auaunaga, talafaasolopito o aiga, ma le galuega faafaifeautalai (tagai i le 9.5); faamalosia o tuafafine matutua nofofua; faamaopoopoina o taumafaiga mo faalavelave faafuasei; lauga i sauniga faamanatuga ma isi nofoaga; ma asiasi i sauniga o le Aualofa a le uarota (tagai i le 6.7.1).
Fonotaga ma Aufono
E tatau i le au peresitene o le Aualofa a le siteki ona fefautuaai faatasi e le aunoa. E auauna atu se sui o le au peresitene i komiti a talavou nofofua matutua ma tagata matutua nofofua a le siteki, pe a faatulagaina. E auai le au peresitene i fonotaga faaletausaga a taitai o siteki ma aoaoina au peresitene o le Aualofa a uarota i na fonotaga (tagai i le 29.3.4), auauna atu i le au fono a taitai o tagata matutua (na o le peresitene) ma le komiti a le siteki, ma auai i fonotaga faamaopoopo a aufono pe a valaaulia e le Fitugafulu Eria (tagai i le 29.4).
Auaunaga ma Gaoioiga
E mafai e le au peresitene o le Aualofa a le siteki ona latou fuafuaina se fonotaga se tasi pe lua i tausaga taitasi mo tuafafine uma o le Aualofa i le siteki. O nei sauniga e mafai ona aofia ai auaunaga, vasega, galuega faatino, konafesi, poo aoaoga faatino (tagai i le 6.7.1.1). E mafai e au peresitene o le Aualofa, Tamaitai Talavou, ma le Peraimeri a le siteki ona fuafuaina i nisi taimi ni gaoioiga tuufaatasi mo a latou faalapotopotoga (tagai i le 6.7.1).
Taiala ma Aiaiga Faavae
O loo maua taiala ma aiaiga faavae faaopoopo i le vaega 9.6 o le Tusitaulima Aoao.