Wito Wangu kama Rais wa Muungano wa Usaidizi katika Kigingi
Majukumu
Bwana ana shukrani kwa utayari wako wa kuhudumu katika Kanisa Lake. Hapa chini ni muhtasari wa majukumu ya wito wako.
Dhumuni la Muungano wa Usaidizi
Muungano wa Usaidizi ni kikundi kitakatifu kilichoanzishwa kwa ajili ya wanawake watu wazima wote katika Kanisa. Muugano wa Usaidizi unawasaidia watoto wa Mungu wajiandae kurudi katika uwepo Wake. Nabii Joseph Smith alifundisha kwamba dhumuni la Muungano wa Usaidizi ni “kuokoa nafsi na kuondoa mateso”—kutoa faraja ya Mwokozi (ona Kitabu cha Maelezo ya Jumla: Kuhudumu katika Kanisa la Yesu Kristo la Watakatifu wa Siku za Mwisho, 9.1).
Rais wa Muungano wa Usaidizi katika Kigingi
Washiriki wa urais wa Muungano wa Usaidizi katika Kigingi wana majukumu mengi ambayo yanajumuisha kuelekeza urais mpya wa Muungano wa Usaidizi katika kata na kutoa msaada endelevu; kuwafundisha marais wa Muungano wa Usaidizi katika kata kanuni za kuhudumu, historia ya familia, na kazi ya umisionari (ona 9.5); kuwaimarisha akina dada watu wazima waseja; kuratibu juhudi za dharura; kuzungumza katika mikutano ya sakramenti na mazingira mengine; na kutembelea mikutano ya Muungano wa Usaidizi ya kata (ona 6.7.1).
Mikutano na Mabaraza
Urais wa Muungano wa Usaidizi katika kigingi unapaswa kushauriana pamoja mara kwa mara. Mshiriki wa urais anahudumu katika kamati za kigingi za vijana wakubwa waseja na watu wazima waseja, ikiwa zimeundwa. Urais unahudhuria mikutano ya uongozi ya kigingi kila mwaka na huwaelekeza urais wa kata wa Muungano wa Usaidizi katika mikutano hiyo (ona 29.3.9), unahudumu katika baraza la uongozi la watu wazima la kigingi (marais tu) na kamati, na huhudhuria mikutano ya baraza ya uratibu pale wanapoalikwa na Sabini wa Eneo (ona 29.4).
Huduma na Shughuli
Urais wa Muungano wa Usaidizi katika Kigingi unaweza kupanga mkutano mmoja au miwili kila mwaka kwa ajili ya akina dada wote wa Muungano wa Usaidizi katika kigingi. Mikutano hii inaweza kujumuisha huduma, madarasa, miradi, mikutano, au warsha (ona 6.7.1.1). Urais wa Muungano wa Usaidizi katika kigingi, wa Wasichana, na wa Watoto mara kadha wa kadha unaweza kupanga shughuli za pamoja kwa ajili ya vikundi vyao (ona 6.7.1).
Miongozo na Sera
Miongozo ya ziada na sera vinapatikana katika sehemu ya 9.6 ya Kitabu cha Maelezo ya Jumla.