Tō’u pi’ira’a ’ei peresideni nō te Sōtaiete Tauturu nō te titi

Te mau hōpoi’a

’Ua māuruuru roa te Fatu nō tō ’oe hina’aro i te rave i te ’ohipa i roto i tāna ’Ēkālēsia. E ’ite ’oe i raro nei i te hi’ora’a rere ā manu nō te mau hōpoi’a tei au i tō ’oe pi’ira’a.

Te fā o te Sōtaiete Tauturu

Te Sōtaiete Tauturu, ’o te hō’ē ïa fa’anahora’a tei ha’amauhia e te Atua nō te mau vahine pa’ari ato’a i roto i te ’Ēkālesia. E tauturu te Sōtaiete Tauturu i te mau tamari’i a te Atua ’ia fa’aineine nō te ho’i i mua i tōna aro. ’Ua ha’api’i te peropheta Iosepha Semita ē, te fā o te Sōtaiete Tauturu « ’o te fa’aorara’a ïa i te mau vairua ’e te tāmarūra’a i te māuiui »—ma te pūpū i te tāmarūra’a a te Fa’aora (hi’o Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 9.1).

Peresideni Sōtaiete Tauturu nō te titi

E rave rahi hōpoi’a tā te mau melo nō te peresidenira’a Sōtaiete Tauturu nō te titi, mai te ha’api’ira’a i te mau peresidenira’a tei pi’i-’āpī-hia i roto i te Sōtaiete Tauturu pāroita ’e te hōro’ara’a i te pāturura’a tāmau ; te ha’api’ira’a i te mau peresideni Sōtaiete Tauturu o te pāroita i te mau parau tumu no te aupurura’a, te ’ā’amu ’utuāfare, ’e te ’ohipa misiōnare (hi’o 9.5) ; te ha’apūaira’a i te mau tuahine pa’ari ’ōtahi ; te fa’aaura’a i te mau tauto’ora’a nō te ’ohipa rū ; te paraparaura’a i roto i te mau purera’a ’ōro’a ’e te tahi atu mau fa’anahora’a ; ’e te hāhaerera’a i te mau purera’a a te Sōtaiete Tauturu o te pāroita (hi’o 6.7.1).

Te mau rurura’a ’e te mau ’āpo’ora’a

E putuputu tāmau te peresidenira’a Sōtaiete Tauturu o te titi. E tāvini te hō’ē melo nō te peresidenira’a i roto i te mau tōmite feiā ’āpī pa’ari ’ōtahi o te titi ’e te feiā pa’ari ’ōtahi, mai te mea e fa’anahonahohia te reira. E ’āmui te peresidenira’a i te mau rurura’a tāmatahiti nō feiā fa’atere o te titi nō te ha’api’i i te mau peresidenira’a Sōtaiete Tauturu o te pāroita i roto i taua mau rurura’a ra (hi’o 29.3.4), e tāvini ato’a i roto i te ’āpo’ora’a feiā fa’atere nō te ta’ata pa’ari o te titi (te mau peresideni ana’e) ’e te tōmite, ’e e ’āmui rātou i roto i te mau rurura’a ’āpo’ora’a fa’aaura’a mai te mea e anihia e te Hitu ’Ahuru ārea (hi’o 29.4).

Te tāvinira’a ’e te mau ’ātivite

E nehenehe te peresidenira’a Sōtaiete Tauturu o te titi e fa’anaho i te hō’ē ’e ’aore rā e piti rurura’a i te matahiti hō’ē nō te mau tuahine ato’a o te Sōtaiete Tauturu i roto i te titi. I roto i teie mau rurura’a, e nehenehe e rave i te ’ohipa tāvinira’a, te mau piha ha’api’ira’a, te mau ’opu’ara’a, te mau ’āmuira’a ’e ’aore rā te mau pupu ’ohipa (hi’o 6.7.1.1). E nehenehe te mau peresidenira’a Sōtaiete Tauturu, Feiā ’Āpī Tamāhine ’e Paraimere o te titi e fa’anaho i te tahi taime i te mau ’ātivite ’āmui nō tā rātou mau pupu (hi’o 6.7.1).

Te mau arata’ira’a ’e te mau fa’aturera’a

E ’itehia te tahi atu ā mau arata’ira’a ’e te mau fa’aturera’a i roto i te tuha’a 9.6 o te Buka arata’i rahi.