Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i gat wan sot lukluk blong ol responsabiliti blong koling blong yu.

Stamba Tingting blong Rilif Sosaeti

Rilif Sosaeti i wan tabu oganaesesen we oli stanemap blong evri adalt woman insaed long Jos. Rilif Sosaeti i helpem ol pikinini blong God blong rere blong gobak stap wetem Hem, long ples blong Hem. Profet Josef Smit i bin tijim se stamba tingting blong Rilif Sosaeti hem i blong “sevem ol sol mo help long taem blong safaring”— stap givim rilif blong Sevya (luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent, 9.1).

Stek Rilif Sosaeti Sekretari

Anda long daereksen blong stek Rilif Sosaeti presiden, sekretari blong hem i responsibol blong redi long ol ajenda blong ol presidensi miting, tekem ol not long ol presidensi miting mo lukaot long ol asaenmen, kipim ol nara rekod mo redi long ol ripot olsem we presidensi i rikwestem, helpem presidensi blong redi long bajet blong yia blong oganaesesen blong olgeta, lukaot long ol mane we oli yusum, mo givim trening long ol wod oganaesesen sekretari olsem we oli asaenem (luk long 6.7.3).

Ol Miting mo Ol Kaonsel

Stek Rilif Sosaeti sekretari i go long ol presidensi miting mo i wok wetem presidensi long stek adalt lidasip komiti (luk long 6.7.1.1).

Ol Gaedlaen mo Polisi

Sam moa long ol gaedlaen mo ol polisi yu save faenem long seksen 9.6 blong Jeneral Hanbuk.