Ang Akong Calling isip usa ka Secretary sa Relief Society sa Stake

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga responsibilidad sa imong calling.

Katuyoan sa Relief Society

Ang Relief Society usa ka balaang organisasyon nga gitukod alang sa tanang hamtong nga mga babaye diha sa Simbahan. Ang Relief Society motabang sa mga anak sa Dios nga mangandam aron makabalik ngadto sa Iyang presensya. Si Propeta Joseph Smith mitudlo nga ang katuyoan sa Relief Society mao ang “pagluwas sa mga kalag ug paghupay sa nag-antos”—naghatag og kahupayan sa Manluluwas (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 9.1).

Secretary sa Relief Society sa Stake

Ubos sa direksiyon sa presidente sa Relief Society sa stake, ang secretary mao ang responsable sa pag-andam sa mga agenda alang sa mga miting sa kapangulohan, mosulat sa gihisgotan diha sa mga miting ug mosubay sa mga buluhaton, motipig og ubang mga rekord ug mag-andam og mga report sumala sa hangyo sa kapangulohan, motabang sa kapangulohan sa pag-andam sa tinuig nga badyet alang sa ilang organisasyon, mosubay sa mga nagasto, ug mohatag og pagbansay alang sa mga secretary sa organisasyon sa ward kon gisangonan (tan-awa sa 6.7.3).

Mga Miting ug mga Konseho

Ang secretary sa Relief Society sa stake motambong sa mga miting sa kapangulohan ug magserbisyo uban sa kapangulohan diha sa komitiba sa mga nangulo sa mga hamtong sa stake (tan-awa sa 6.7.1.1).

Mga Lagda ug mga Palisiya

Dugang nga mga lagda ug mga palisiya makit-an diha sa 9.6 sa Kinatibuk-ang Tamdanan nga Basahon.