iTavi

E vakavinavinakataka na Turaga na nomu lomasoli mo veiqaravi ena Nona Lotu. Sa koto era na rai vakararaba ni vei itavi eso ni nomu veikacivi.

Na iNaki ni Soqosoqo ni Veivukei

Na iSoqosoqo ni Veivukei e dua na mataisoqosoqo yavutaki vakalou me baleti ira taucoko na marama uabula ena Lotu. Na iSoqosoqo ni Veivukei e vukei ira na luve ni Kalou me ra vakavakarau me ra lesu tale ki na Nona iserau. E vakatavulica na Parofita o Joseph Smith ni inaki ni Soqosoqo ni Veivukei sa ikoya me “vakabulai na yalo kei na vakacegui ni rarawa”—ena vakarautaki ni veivuke ni iVakabula (raica na iVoladusidusi Raraba : Veiqaravi ena Lotu i Jisu Karisito ni Yalododonu Edaidai, 9.1).

Vunivola ni Soqosoqo ni Veivukei ena iTeki

Ena veidusimaki nei peresitedi ni Soqosoqo ni Veivukei ena iteki, sa nona itavi na sekeriteri me vakarautaka na lewe ni bose ni mataveiliutaki, vola itukutuku ena bose ni mataveiliutaki ka vakamuria na ilesilesi, maroroya na itukutuku tale eso ka vakarautaka na ripote me vaka na nodratou kerekere na mataveiliutaki, vukei iratou na mataveiliutaki me ratou vakarautaka na ilavovakarau vakayabaki ni nodra isoqosoqo, akaude ni vakayagataki ilavo, ka vakarautaka na veituberi me baleti ira na sekeriteri ni mataisoqosoqo ni tabanalevu me vaka sa lesi (raica na 6.7.3).

Bose kei na Matabose

Ena tiko o sekeriteri ni Soqosoqo ni Veivukei ena iteki na bose ni mataveiliutaki ka veiqaravi vata kei iratou na mataveiliutaki ena komiti ni veiliutaki ni uabula ni iteki (raica na 6.7.1.1).

iDusidusi kei na Lawatu

Na ikuri ni idusidusi kei na lawatu ena kune ena iwase 9.6 ni iVoladusidusi Raraba.