Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan iti calling-mo.

Panggep ti Relief Society

Ti Relief Society ket maysa a nadiosan a naipasdek nga organisasion para kadagiti amin a nataengan a babbai iti Simbaan. Tumulong ti Relief Society kadagiti annak ti Dios nga agsagana nga agsubli iti imatangna. Insuro ni Propeta Joseph Smith a ti panggep ti Relief Society ket tapno “mangisalakan kadagiti kararua ken mangpabang-ar iti panagsagaba”—panangipaay iti tulong ti Mangisalakan (kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 9.1).

Secretary ti Relief Society iti Stake

Iti babaen ti panangiturong ti presidente ti Relief Society iti stake, pagrebbengan ti secretary a mangisagana kadagiti adyenda para kadagiti miting ti panguluen, mangisurat kadagiti mapagsasaritaan kadagiti miting ti panguluen ken mangsurot (keep track) kadagiti naituding nga aramiden, mangidulin kadagiti dadduma pay a rekord ken mangisagana kadagiti report no kiddawen ti panguluen, tumulong iti panguluen a mangisagana iti tinawen a badyet para iti organisasion, mangkuenta kadagiti gastos, ken mangipaay iti training para kadagiti secretary ti organisasion iti ward kas naidutok (kitaen iti 6.7.3).

Dagiti Miting ken Konseho

Dumar-ay ti secretary ti Relief Society iti stake kadagiti miting ti panguluen ken agserbi a kadua ti panguluen iti komite iti panangidaulo iti nataengan iti stake (kitaen iti 6.7.1.1).

Dagiti Pangiwanwan ken Annuroten

Masarakan dagiti mainayon a pangiwanwan ken annuroten iti benneg 9.6 ti Sapasap a Handbook.