Kūr eo Aō āinwōt juon Rijeje n̄an Doulul eo an Kōrā ilo Stake

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ eo An. Ijin ilaļ ej juon kōmeļeļein eddo ko ilo kūr eo am̧.

Jibadbad eo n̄an Doulul eo an Kōrā

Doulul eo an Kōrā ej juon doulul eo ekwojarjar kar karōke n̄an kōrā ro rōrūtto ilo Kabun̄ in. Doulul eo an Kōrā ej jipan̄ ajri ro nejin Anij kōppopo n̄an jepļaakļo̧k n̄an Ippān. Rikanaan Josep Smith ekar katakin bwe jibadbad eo an Doulul eo an Kōrā ej n̄an “lo̧mo̧o̧ren jetōb ko, im kōmeraik en̄taan ko”—leļo̧k deor eo an Rilo̧mo̧o̧r (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 9.1).

Rijeje an Doulul an Kōra ilo Stake

Ium̧win tōl eo an stake būreejtōn eo an Doulul eo an Kōrā , rijeje eo ej eddo n̄an kepooj laajrak in menin kenono ko ilo kweilo̧k ko an būreejtōnji eo, jeikikobban kwelo̧k eo an būreejtōnji eo im lale laajrak in jerbal ko,kejparok rekoot ko jet im kepooj ripoot ko ilo an būreejtōnji eo kajjitōk, jipan̄ būreejtōnji eo kepooj jon̄an jaan ko an doulul eo ilo kajojo iiō, account n̄an duwojļo̧k in jāān ko, im kōm̧m̧an ien katak kilen jerbal ko n̄an rijeje ro jet an ward ilo doulul ko jet(lale 6.7.3).

Kweilo̧k im Ko̧o̧njeļ ko

Rijeje eo an Doulul eo an Kōra ilo Stake ej pād ilo kweilo̧k ko an būreejtōnji im jerbal ippān būreejtōnji eo ilo kamitii in tōl eo an rūm̧m̧an ded ro ilo stake (lale 6.7.1.1).

Unin Tōl im Kakien ko jet

Kakkobaba in unin tōl ko jet im kakien ko rej waļo̧k ilo jekjōn 9.6 in Bok in Bōk Meļeļe Eļap.