O Lo’u Valaauga o se Failautusi o le Aualofa a le Siteki

Tiutetauave

E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o le Aualofa

O le Aualofa o se faalapotopotoga na faatuina faalelagi mo tamaitai matutua uma i le Ekalesia. O le Aualofa e fesoasoani i fanau a le Atua e sauniuni ai e toe foi atu i Lona afioaga. Na aoao mai le Perofeta o Iosefa Samita e faapea o le faamoemoega o le Aualofa o le “laveai o agaga ma faamama i mafatiaga”—tuuina atu o le mapusaga o le Faaola (tagai i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 9.1).

Failautusi o le Aualofa a le Siteki

I lalo o le taitaiga a le peresitene o le Aualofa a le siteki, e nafa le failautusi ma le saunia o lisi o mataupu mo fonotaga a le au peresitene, tusi ni faamatalaga i fonotaga a le au peresitene ma siaki ia tofiga, tausia isi faamaumauga ma saunia lipoti e pei ona talosagaina ai e le au peresitene, fesoasoani i le au peresitene e saunia le paketi faaletausaga mo la latou faalapotopotoga, teugatupe mo tupe faaalu, ma tuuina atu aoaoga mo failautusi o faalapotopotoga a uarota ua tofia (tagai i le 6.7.3).

Fonotaga ma Aufono

E auai le failautusi a le Aualofa a le siteki i fonotaga a le au peresitene ma e auauna atu faatasi ma le au peresitene i le komiti a le au taitai a tagata matutua a le siteki (tagai i le 6.7.1.1).

Taiala ma Aiaiga Faavae

O loo maua taiala ma aiaiga faavae faaopoopo i le vaega 9.6 o le Tusitaulima Aoao.