Tō’u pi’ira’a ’ei pāpa’i parau nō te Sōtaiete Tauturu o te titi

Te mau hōpoi’a

’Ua māuruuru roa te Fatu nō tō ’oe hina’aro i te rave te ’ohipa i roto i tāna ’Ēkālēsia. E ’ite ’oe i raro nei i te hi’ora’a rere ā manu nō te mau hōpoi’a tei au i tō ’oe pi’ira’a.

Te fā o te Sōtaiete Tauturu

Te Sōtaiete Tauturu, ’o te hō’ē ïa fa’anahora’a tei ha’amauhia e te Atua nō te mau vahine pa’ari ato’a i roto i te ’Ēkālesia. E tauturu te Sōtaiete Tauturu i te mau tamari’i a te Atua ’ia fa’aineine nō te ho’i i mua i tōna aro. ’Ua ha’api’i te peropheta Iosepha Semita ē, te fā o te Sōtaiete Tauturu « ’o te fa’aorara’a ïa i te mau vairua ’e te tāmarūra’a i te māuiui »—ma te pūpū i te tāmarūra’a a te Fa’aora (hi’o Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 9.1).

Te pāpa’i parau nō te Sōtaiete Tauturu o te titi

I raro a’e i te arata’ira’a a te peresideni o te Sōtaiete Tauturu o te titi, nā te pāpa’i parau e fa’aineine i te mau tāpura ’ohipa nō te mau rurura’a peresidenira’a, e pāpa’i ’oia i te mau parau i roto i te mau rurura’a a te peresidenira’a ma te hi’o i te mau fa’auera’a ’ohipa, e ha’apa’o maita’i ’oia i te tahi atu ā mau pāpa’a parau ’e e fa’aineine i te mau parau fa’a’ite tē anihia e te peresidenira’a, e tauturu ’oia i te peresidenira’a ’ia fa’aineine i te tāpura faufa’a matahiti nō tā rātou pupu, e tai’o ’oia i te mau ha’amāu’ara’a, ’e e hōro’a ’oia i te ha’api’ipi’ira’a i te mau pāpa’i parau Sōtaiete Tauturu o te mau paroita, mai tei fa’auehia (hi’o 6.7.3).

Te mau rurura’a ’e te mau ’āpo’ora’a

E haere te pāpa’i parau nō te Sōtaiete Tauturu o te titi i te mau rurura’a a te peresidenira’a ’e e rave ’oia i te ’ohipa ’e te peresidenira’a i ni’a i te tōmite feiā fa’atere nō te ta’ata pa’ari o te titi (hi’o 6.7.1.1).

Te mau arata’ira’a ’e te mau fa’aturera’a

E ’itehia te tahi atu ā mau arata’ira’a ’e te mau fa’aturera’a i roto i te tuha’a 9.6 o te Buka arata’i rahi.