Ko Hoku Uiuiʻi ko ha Sekelitali ʻa e Fineʻofa ʻi he Siteikí

Ngaahi Fatongiá

ʻOku houngaʻia ʻa e ʻEikí ʻi hoʻo loto-fiemālie ke ngāue ʻi Hono Siasí. ʻOku ʻoatu ʻi lalo ha vakai fakalūkufua ki he ngaahi fatongia ki hoʻo uiuiʻí.

Taumuʻa ʻo e Fineʻofá

Ko e Fineʻofá ko ha faʻunga fakalangi kuo fokotuʻu maʻá e kakai fefine lalahi kotoa ʻi he Siasí. ʻOku tokoni ʻa e Fineʻofá ke teuteuʻi ʻa e fānau ʻa e ʻOtuá ke nau foki ki Hono ʻaó. Naʻe akoʻi ʻe he Palōfita ko Siosefa Sāmitá ko e taumuʻa ʻo e Fineʻofá ke “fakahaofi ʻa e ngaahi laumālié mo fakafiemālieʻi ʻa e faingataʻaʻiá”—ʻo ʻomi ʻa e tokoni ʻa e Fakamoʻuí (vakai, Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 9.1).

Sekelitali ʻa e Fineʻofa ʻi he Siteikí

Fakatatau mo e fakahinohino ʻa e palesiteni Fineʻofa ʻo e siteikí, ʻoku fatongia ʻaki ʻe he sekelitalí hono teuteu ʻo e ngaahi ʻasenita ki he ngaahi fakataha fakapalesitenisií, hiki fakamatala ʻi he ngaahi fakataha fakapalesitenisií mo muimuiʻi ʻa e ngaahi ngāue naʻe vahé, tauhi ʻa e ngaahi lekooti kehé mo teuteu ʻa e ngaahi lipōtí ʻo fakatatau mo e kole ʻa e kau palesitenisií, tokoni ki he kau palesitenisií ʻi hono teuteu ʻo e patiseti fakataʻu maʻa ʻenau houalotú, fakamatala ki he ngaahi fakamolé, mo akoʻi ʻa e kau sekelitali ʻo e ngaahi houalotu ʻo e uōtí ʻi hano vahe ange (vakai, 6.7.3).

Ngaahi Fakatahá mo e Ngaahi Fakataha Alēleá

ʻE kau ʻa e sekelitali ʻo e Fineʻofa ʻi he siteikí ʻi he ngaahi fakataha ʻa e kau palesitenisií pea ngāue mo e kau palesitenisií ʻi he kōmiti fakatakimuʻa ʻa e kakai lalahi ʻi he siteikí (vakai, 6.7.1.1).

Ngaahi Fakahinohinó mo e Ngaahi Tuʻutuʻuní

ʻOku maʻu ha ngaahi fakahinohino mo ha ngaahi tuʻutuʻuni lahi ange ʻi he konga 9.6 ʻo e Tohi Tuʻutuʻuni Fakakātoá.