Kūr eo Aō āinwōt juon Būreejtōn an Jabōt Jikuuļ

Eddo ko

Irooj ej m̧ōņōņō kōn wujlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļe kōn eddo ko n̄an kūr eo am̧.

Jipadpad eo an Jabōt Jikuuļ

Jabōt Jikuuļ ej jipan̄ kōttōprak jerbal in lo̧mo̧o̧r eo an Anij im mour ijo eutiejtata. Ej kōm̧m̧ane menin ilo an jipan̄ ajri ro nejin Anij ekkatak im mour kōn gospel eo an Jisōs Kraist (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 13.1).

Būreejtōnji eo an Jabōt Jikuuļ

Būreejtōn eo ej eddoik im jerbal ilo ward ko̧o̧njeļ eo, lale ekkatak kōn gospel eo im katakin ilo m̧weeo im ilo m̧ōn jar eo, im ejaaki kūlaaj ko. Būreejtōn eo ej bar jipan̄, rōjan̄, im katakin rūkaki ro n̄an erom̧ ro rewājepdik n̄an ļoor pedped in katak ko ilo jeje ko rekwojarjar im Katakin ilo Wāween eo an Rilo̧mo̧o̧r (lale 13.2.2.2). Rikapilōklōk ro an rej jipan̄ e.

Kūlaaj ko an Jabōt

Jabōt Jikuuļ kūlaaj ko rej kōm̧m̧an ilo Jabōt juon im jilu ilo kajjojo allōn̄. Jon̄an kūlaaj ko renaaj pedped ioon aikuj ko an kajjojo ward (lale 13.3). Rūkaki ro an Jabōt Jikuuļ rej kōjerbal jeje ko rekwojarjar, katak ko kar jikejuuļi jān Itok, Ļoor Eō, im naan ko an rikanaan ro raan kein āinwōt bar jet aer kein katakin.

M̧weeo En Jikin Ekkatak

Jinen im jemān ajri ro rej eddoik wāween ekkatak im katakin gospel eo n̄an ajri ro nejier (lale 13.5). Rūkaki ro an Jabōt Jikuuļ im ritōl ro rej rōjan̄ membōr ro n̄an pukot im̧we ko aer make kōn wāween ekkatak im katakin gospel eo ilo m̧oko im̧weer (lale 17.2).

Kweilo̧k ko an Ko̧o̧njeļ eo an Rūkaki

Ilo kweilo̧k ko an ko̧o̧njeļ eo an rūkaki, rūkaki rej kapilōk ippān doon kōn pedped in katak ko kōn katakin āinwōt Kraist. Rej barāinwōt kapilōk kōn wāween n̄an kōkm̧anm̧anļo̧k ekkatak im katakin gospel eo. Katakin ilo Wāween eo an Rilo̧mo̧r ej juon kein jipan̄ (lale 17.4). Kweilo̧k kein rej kōm̧m̧an kajjojo kuwōta ilo iien kūlaaj ko ilo Jabōt im ekkā an būreejtōnji eo an Jabōt Jikuuļ tōl (lale 13.4).

Kweilo̧k ko an Ko̧o̧njeļ n̄an Pāāren ro

Ium̧win tōl eo an bisop eo im ward ko̧o̧njeļ eo, būreejtōn eo an Jabōt Jikuuļ ej karōk kweilo̧k ko an ko̧o̧njeļ n̄an pāāren ro. Kweilo̧k kein rej ļoor ejja jekjek eo wōt im emakijkij āinwōt kweilo̧k ko an ko̧o̧njeļ eo an rūkaki, bōtaab ilo jekjek in ro jinen im jemān ajri ro rej pād. Jipadpad eo ej n̄an jipan̄ ro jinen im jemān ajri ro bwe en em̧m̧an ļo̧k aer katakin ilo m̧weeo. Katakin ilo Wāween eo an Rilo̧mo̧o̧r im kadkad in kein katakin ko ilo Itok, Ļoor Eō aikuj kōjerbali āinwōt kein jipan̄ ko (lale 17.4).

Unin Tōl im Kakien Ko

Aolep rūtto ro rej jerbal ippān jodikdik ro rej aikuj kadedeikļo̧k kaminene eo n̄an kōjparok ajri ro im jodikdik ro ilowaan juon allōn̄ jān iien eo kar rejtake er (ProtectingChildren.ChurchofJesusChrist.org Kakkobaba n̄an unin tōl ko n̄an Jabōt Jikuuļ repād ilo jekjōn 13.7 in Bok in Bōk Meļeļe Eļap.