Tiutetauave

E faafetai le Alii mo lou naunau e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o le Aoga Sa

O le Aoga Sa e fesoasoani i le faataunuuina o le galuega a le Atua mo le faaolataga ma le faaeaga. E faia lenei mea e ala i le fesoasoani i fanau a le Atua e aoao ma ola i le talalelei a Iesu Keriso (tagai i le Tusitaulima Aoao: Auauna atu i Le Ekalesia a Iesu Keriso o le Au Paia o Aso e Gata Ai, 13.1).

Au Peresitene o le Aoga Sa

O le peresitene e nafa ma le auauna atu i le aufono a le uarota, vaavaaia le aoao mai ma le aoao atu o le talalelei i le aiga ma i le lotu, ma le faatulagaina o vasega. E lagolagoina foi, faamalosiau, ma faatonuina e le peresitene ia faiaoga ina ia mataalia atili e ala i le mulimuli i mataupu faavae i tusitusiga paia ma le Aoao Atu i le Ala a le Faaola (tagai i le 13.2.2.2). E lagolagosua ona fesoasoani ia te ia.

Vasega i Aso Sa

E faia ia vasega o le Aoga Sa i Aso Sa muamua ma lona tolu o le masina. O le a eseese le toatele o le vasega e fua i manaoga o uarota taitasi (tagai i le 13.3). E faaaoga e faiaoga o le Aoga Sa ia tusitusiga paia, lesona faatulagaina i le Sau, Mulimuli Mai ia te A‘u, ma upu a perofeta o aso nei e fai ma a latou punaoa autu mo le aoao atu.

Aoaoina e Faatotonugalemu-i-le-Aiga

O matua e nafa ma le a’oa’oina atu o le talalelei i a latou fanau (tagai i le 13.5). E fautuaina e faiaoga ma taitai o le Aoga Sa ia tagata o le au paia e saili a latou lava musumusuga e uiga i le auala e suesue ma aoao atu ai le talalelei i o latou aiga (tagai i le 17.2).

Fonotaga a le Aufono a Faiaoga

I fonotaga a le aufono a faiaoga, e fefautuaai faatasi ia faiaoga e uiga i mataupu faavae o le a’oa’o atu e faapei o Keriso. Latou te fefautuaai foi e uiga i auala e faaleleia ai le a’oa’o mai ma le a’oa’o atu o le talalelei. O le Aoao Atu i le Ala a le Faaola e faaaoga o se punaoa (tagai i le 17.4). O nei fonotaga e faia faalekuata i le taimi o vasega i le Aso Sa ma e masani ona taitaia e le peresitene o le Aoga Sa (tagai i le 13.4).

Fonotaga a le Aufono a Faiaoga mo Matua

I lalo o le taitaiga a le epikopo ma le aufono a le uarota, e fesoasoani le peresitene o le Aoga Sa e faatulaga fonotaga a le aufono a faiaoga mo matua. O nei fonotaga e mulimuli i le faatulagaga ma le fai soo e pei o fonotaga masani a le aufono a faiaoga, ae i le tulaga lea e valaaulia ai matua ina ia auai. O le faamoemoega o le fesoasoani lea i matua ia avea ma ni faiaoga lelei atu i o latou aiga. O le Aoao Atu i le Ala a le Faaola ma anomea tomua i le Sau, Mulimuli Mai ia te A‘u e tatau ona faaaoga o ni punaoa (tagai i le 17.4).

Taiala ma Aiaiga Faavae

O tagata matutua uma e galulue ma le autalavou e tatau ona faamae’aina le a’oa’oga faamasani o le puipuiga o tamaiti ma le autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). O loo maua taiala faaopoopo o le Aoga Sa i le vaega 13.7 o le Tusitaulima Aoao.