Te mau hōpoi’a

’Ua māuruuru roa te Fatu nō tō ’oe ineine e tāvini i roto i tāna ’Ēkālesia. E ’ite mai ’oe i raro nei i te hi’ora’a rere ā manu nō te mau hōpoi’a e tū’ati i tō ’oe pi’ira’a.

Te fā o te Ha’api’ira’a Sābati

E tauturu te Ha’api’ira’a Sābati i te fa’atupura’a i te ’ohipa nō te fa’aorara’a ’e te fa’ateiteira’a a te Atua. E ravehia te reira nā roto i te tauturura’a i te mau tamari’i a te Atua ’ia ha’api’i mai ’e ’ia ora i te ’evanelia a Iesu Mesia (hi’o Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 13.1).

Te peresidenira’a nō te Ha’api’ira’a Sābati

E hōpoi’a nā te peresideni te tāvinira’a i roto i te ’āpo’ora’a pāroita, te hi’opo’ara’a i te ’apora’a ’e te ha’api’ira’a i te ’evanelia i te fare ’e i te fare purera’a, ’e te fa’anahora’a i te mau piha ha’api’ira’a. E pāturu ato’a te peresideni, e fa’aitoito ’e e ha’api’i i te mau ’orometua ha’api’i ’ia riro ’ei mea ’aravihi a’e, ma te pe’era’a i te mau parau tumu i roto i te mau pāpa’ira’a mo’a ’e te Ha’api’ira’a mai tā te Fa’aora (hi’o 13.2.2.2). E tauturu tōna nā tauturu iāna.

Te mau piha Ha’api’ira’a Sābati

E tupu te mau piha a te Ha’api’ira’a Sābati i te sābati mātāmua ’e te sābati toru o te ’āva’e. Te fāito rahi o te mau piha ha’api’ira’a, mai te au ïa i te mau hina’aro o te pāroita tāta’itahi (hi’o 13.3). E fa’a’ohipa te mau ’orometua o te Ha’api’ira’a Sābati i te mau pāpa’ira’a mo’a, te mau ha’api’ira’a tei tārenahia i roto te Mai, pe’e mai, ’e te mau parau a te mau peropheta nō teie tau ’ei rāve’a tumu nō tā rātou ha’api’ira’a.

Te ’apora’a i fa’atumuhia i ni’a te ’utuāfare

E hōpoi’a nā te mau metua te ha’api’ira’a i te ’evanelia i tā rātou mau tamari’i (hi’o 13.5). E fa’aitoito te mau ’orometua ’e te feiā fa’atere o te Ha’api’ira’a Sābati i te mau melo ’ia ’imi i tō rātou iho fa’aurura’a, nō ni’a i te huru e ’imi ’e e ha’api’i i te ’evanelia i roto i tō rātou ’utuāfare (hi’o 17.2).

Te mau rurura’a ’āpo’ora’a a te mau ’orometua ha’api’i

I roto i te mau rurura’a ’āpo’ora’a a te mau ’orometua ha’api’i, e tāu’aparau ’āmui te mau ’orometua ha’api’i i te mau parau tumu o te ha’api’ira’a mai tā te Mesia te huru. E ’āparau ato’a rātou e nāhea i te ha’amaita’i i te ’apora’a ’e te ha’api’ira’a i te ’evanelia. E fa’a’ohipahia te Ha’api’ira’a mai tā te Fa’aora ’ei mātēria tauturu (hi’o 17.4). E fa’atupuhia teie mau rurura’a i te mau toru ’āva’e ato’a i te taime nō te mau piha ha’api’ira’a, ’e tei mātarohia, nā te peresideni nō te Ha’api’ira’a Sābati e fa’atere i te reira (hi’o 13.4).

Te mau rurura’a ’āpo’ora’a ’orometua ha’api’i nō te mau metua

I raro a’e i te fa’aterera’a a te ’episekōpo ’e a te ’āpo’ora’a pāroita, e tauturu te peresideni nō te Ha’api’ira’a Sābati ’ia fa’anaho i te mau rurura’a ’āpo’ora’a ’orometua nō te mau metua. E pe’e teie mau rurura’a hō’ē ā fa’anahora’a ’e hō’ē ā pinepinera’a e te mau rurura’a tāmau a te ’āpo’ora’a a te mau ’orometua ha’api’i, i terā rā taime, e ani-manihini-hia te mau metua ’ia haere mai. Te fā ’o te tauturura’a ïa i te mau metua ’ia riro ’ei ’orometua ha’api’i maita’i a’e i roto i tō rātou ’utuāfare. E ti’a ’ia fa’a’ohipahia te Ha’api’ira’a mai tā te Fa’aora ’e te mau mātēria ’ōmuara’a o te Mai, pe’e mai ’ei rāve’a tauturu (hi’o 17.4).

Te mau arata’ira’a ’e te mau fa’aturera’a

E ti’a i te mau ta’ata pa’ari ato’a e ha’a nei ’e te feiā ’āpī ’ia ’āmui hope roa mai i roto i te ha’api’ipi’ira’a nō te pārurura’a i te mau tamari’i ’e i te feiā ’āpī, i roto te ’āva’e o tō rātou pāturura’ahia (ProtectingChildren.ChurchofJesusChrist.org). Tei roto te tahi atu ā mau arata’ira’a nō te Ha’api’ira’a Sābati i te tufa’a 13.7 o te Buka arata’i rahi.