Akong Calling isip usa ka Secretary sa Sunday School

Mga Responsibilidad

Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga reponsibilidad sa imong calling.

Katuyoan sa Sunday School

Ang Sunday School magtabang nga matuman ang buhat sa Dios sa kaluwasan ug kahimayaan. Mahimo kini pinaagi sa pagtabang sa mga anak sa Dios nga makat-on ug mosunod sa ebanghelyo ni Jesukristo (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 13.1).

Kapangulohan ug Secretary

Ang presidente sa Sunday School mao ang responsable sa pagdumala sa pagkat-on ug pagtudlo sa ebanghelyo diha sa panimalay ug diha sa simbahan. Ang iyang mga magtatambag moabag kaniya. Ang secretary makatabang sa kapangulohan sa pagsubay sa mga buluhaton ug sa nanambong (tan-awa sa 13.2.2.2).

Mga Klase sa Dominggo

Ang mga klase sa Sunday School ipahigayon sa una ug ikatulong mga Dominggo sa bulan. Ang gidak-on sa klase managlahi base sa mga panginahanglan sa matag ward (tan-awa sa 13.3). Ang mga magtutudlo sa Sunday School mogamit sa mga kasulatan, naka-iskedyul nga mga leksiyon sa Dali, Sunod Kanako, ug mga pulong sa modernong mga propeta isip ilang nag-unang mga kapanguhaan sa pagtudlo.

Nakasentro sa Panimalay nga Pagkat-on

Ang mga ginikanan mao ang responsable alang sa pagtudlo sa ebanghelyo ngadto sa ilang mga anak (tan-awa sa 13.5). Ang mga magtutudlo sa Sunday School ug mga lider moawhag sa mga miyembro nga magtinguha sa ilang kaugalingong inspirasyon kon unsaon sa pagtuon ug pagtudlo sa ebanghelyo sa ilang mga panimalay (tan-awa sa 17.2).

Mga Miting sa Konseho sa Magtutudlo

Ang secretary makaabag sa presidente sa Sunday School sa pag-organisar ug pagpahigayon sa mga miting sa konseho sa magtutudlo ug mga miting sa konseho sa magtutudlo alang sa mga ginikanan sa matag tulo ka bulan nga higayon.

Mga Lagda ug mga Palisiya

Ang tanang hamtong nga naglihok uban sa kabatan-onan kinahanglang mokompleto sa pagbansay sa pagpanalipod sa kabataan ug kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org). Dugang nga mga lagda sa Sunday School makita sa seksiyon 13.7 diha sa Kinatibuk-ang Tamdanan nga Basahon.