Nakoau ae te Tia Koroboki n te Reirei n Tabati
Taabe
E kakaitau te Uea ibukin nanom ni beku n Ana Ekaretia. I nano bon kabwarabwaran kanoan tibwangam.
Oin te Kantaninga n Te Reirei n Taabati
E ibuobuoki te Reirei n Tabati ni kakoroan nanon ana mwakuri te Atua ibukin te kamaiuaki ao te karietataaki. E reke aio man buokaia natin te Atua n reirei ao ni maiuakina ana euangkerio Iesu Kristo (taraa Aeniboki ni Kabuta:Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 13.1).
Beretitentii ao te Tia Koroboki
Te beretitenti n te Reirei n Tabati e tabeakina aron reiakinan te euangkerio ao te angareirei n te mweenga ao n te taromauri. Ana kauntira a na ibuobuoki nakoina. E kona te tia koroboki ni buoka te beretitentii n tau mwiin mwioko ao araia ake a roko (taraa 13.2.2.2).
Kiraati n te Tabati
Kiraati n te Reirei n Tabati a karaoaki ni moan ao kateniuan Tabatin te namwakaina. E na kakaokoro mwaitia kaain te kiraati inanon te uoote teuana ma teuana ni kaitaraa kainnanon te uoote (taraa 13.3). Taan reirei n te Reirei n Tabati a kabonganai koroboki aika tabu, a bairei tain reirei n Nakomai, Iriirai, ao aia taeka burabeti ni boong aika ngkai bwa bwaai n ibuobuoki ibukin aia angareirei.
Reirei-Inanon te Mwenga
A katabeaki kaaro bwa a na reirei te euangkerio nakoia natiia.(taraa 13.5). Taan reirei ma taan kairiiri n te Reirei n Tabati, a kaungaiia membwa bwa a na ukora te kairi mai ieta i bon irouia bwa a na kanga ni kamatebwaia ao n reiakina te euangkerio inanon mweengaia (taraa 17.2).
Aia Boowi Kauntira n Tia Reirei
E kona te tia koroboki ni buoka te beretitenti n te Reirei n Taabati ni barongai ao ni karaoi bootaki ni kauntira n tia reirei ao bootaki ni kauntira n tia reirei ibukiia kaaro ni katoa kuata.
Kainibaire ao Kaetieti
Ni kabane ikawai ake a mwakuri ma kairake a riai ni kabwanina anaan te reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). A kona n nooraki kainibaire riki tabeua ibukin te Reirei n Tabati inanon mwakoro 13.7 man te Aeniboki ni Kabuta.