Իմ կոչումը որպես Կիրակնօրյա դպրոցի քարտուղար
Պարտականությունները
Տերը երախտապարտ է Իր Եկեղեցում ծառայելու ձեր պատրաստակամության համար: Ստորև ներկայացված է ակնարկ ձեր կոչման պարտականությունների մասին:
Կիրակնօրյա դպրոցի նպատակը
Կիրակնօրյա դպրոցն օգնում է իրականացնել Աստծո փրկության և վեհացման աշխատանքը: Այդ աշխատանքն իրականացվում է՝ օգնելով Աստծո երեխաներին սովորել և ապրել Հիսուս Քրիստոսի ավետարանով (տես Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում 13.1)։
Նախագահություն և քարտուղար
Կիրակնօրյա դպրոցի նախագահը պատասխանատու է տանը և եկեղեցում ավետարանի ուսումնասիրության և ուսուցման վերահսկման համար: Նրա խորհրդականներն օգնում են նրան։ Քարտուղարը կարող է օգնել նախագահությանը հետևել հանձնարարություններին և հաճախումներին (տես 13.2.2.2):
Կիրակնօրյա դասերը
Կիրակնօրյա դպրոցի դասերը տեղի են ունենում ամսվա առաջին և երրորդ կիրակի օրերին: Դասերի քանակը տարբեր է՝ կախված յուրաքանչյուր ծխի կարիքներից (տես 13.3): Կիրակնօրյա դպրոցի ուսուցիչներն օգտագործում են սուրբ գրությունները, Եկ, հետևիր ինձ գրքի պլանավորված դասերը և ժամանակակից մարգարեների խոսքերը՝ որպես ուսուցման իրենց հիմնական աղբյուրները:
Տնակենտրոն ուսումնասիրություն
Ծնողները պատասխանատու են իրենց երեխաներին ավետարանը ուսուցանելու համար (տես 13.5)։ Կիրակնօրյա դպրոցի ուսուցիչներն ու ղեկավարները անդամներին խրախուսում են ոգեշնչում փնտրել, թե ինչպես ուսումնասիրել և ուսուցանել ավետարանը իրենց տներում (տես 17.2)։
Ուսուցիչների խորհրդի ժողովներ
Քարտուղարը կարող է օգնել Կիրակնօրյա դպրոցի նախագահին եռամսյակային կտրվածքով կազմակերպել և իրականացնել ուսուցիչների խորհրդի ժողովներ և ուսուցիչների խորհրդի ժողովներ ծնողների համար:
Ուղեցույցներ և քաղաքականություն
Բոլոր չափահասները, որոնք աշխատում են երիտասարդների հետ, հաստատումից հետո մեկ ամսվա ընթացքում պետք է ավարտեն երեխաների և երիտասարդների պաշտպանության ուսուցումը (ProtectingChildren.ChurchofJesusChrist.org)։ Կիրակնօրյա դպրոցի լրացուցիչ ուղեցույցները ներկայացված են 13.7 բաժնում (Ընդհանուր ձեռնարկի):