Dagiti Pagrebbengan

Agyamyaman ti Apo iti kinatallugodmo nga agserbi iti Simbaanna. Adda iti baba ti pakagupgopan dagiti pagrebbengan para iti calling-mo.

Panggep ti Sunday School

Tumulong ti Sunday School a mangipatungpal iti aramid ti Dios iti pannakaisalakan ken pannakaitan-ok. Aramidenna daytoy babaen ti panangtulongna kadagiti annak ti Dios nga agsursuro ken agbiag iti ebanghelio ni Jesucristo (kitaen iti Sapasap a Handbook: Panagserbi iti Ti Simbaan ni Jesucristo dagiti Santo iti Ud-udina nga Aldaw, 13.1).

Panguluen ken Secretary

Pagrebbengan ti presidente ti Sunday School ti panangimaton iti panagsursuro ken panangisuro iti ebanghelio iti pagtaengan ken iti simbaan. Tumulong kenkuana dagiti mamagbagana. Makatulong ti secretary iti panguluen a mangirekord kadagiti naituding nga aramiden ken panagatendar (kitaen iti 13.2.2.2).

Dagiti Klase ti Domingo

Gagangay a maangay dagiti klase ti Sunday School iti umuna ken maikatlo a Domingo ti bulan. Agduduma dagiti kadakkel ti klase maibatay kadagiti kasapulan ti tunggal ward (kitaen iti 13.3). Usaren dagiti mannursuro iti Sunday School dagiti nasantuan a kasuratan, dagiti nayiskediul nga adalen iti Umaykayo, Sumurot Kaniak, ken dagiti balikas dagiti propeta iti agdama nga aldaw kas kangrunaan a resource-da para iti panangisuro.

Panagsursuro iti Ebanghelio a Naisentro iti Pagtaengan

Pagrebbengan dagiti nagannak a mangisuro iti ebanghelio kadagiti annakda (kitaen iti 13.5). Allukoyen dagiti mannursuro ken lider dagiti miembro nga agkalikagum a maaddaan iti bukodda nga inspirasion maipapan iti no kasano nga adalen ken isuro ti ebanghelio kadagiti pagtaenganda (kitaen iti 17.2).

Dagiti Miting ti Konseho ti Mannursuro

Mabalin ti secretary a mangtulong iti presidente ti Sunday School tapno mangbuangay ken mangipatungpal kadagiti miting ti konseho ti mannursuro para kadagiti nagannak iti tunggal tallo a bulan.

Dagiti Pangiwanwan ken Annuroten

Amin a nataengan a makipagtrabaho kadagiti agtutubo ket nasken a leppasenda ti training iti panangsaluad kadagiti ubbing ken agtutubo iti uneg ti makabulan a pannakakanunongda (ProtectingChildren.ChurchofJesusChrist.org). Masarakan dagiti mainayon a pangiwanwan iti Sunday School iti benneg 13.7 ti Sapasap a Handbook.