ការហៅរបស់ខ្ញុំជាលេខាសាលាថ្ងៃអាទិត្យ
ការទទួលខុសត្រូវទាំងឡាយ
ព្រះអម្ចាស់មានអំណរគុណចំពោះឆន្ទៈរបស់អ្នកក្នុងការបម្រើនៅក្នុងសាសនាចក្ររបស់ទ្រង់ ។ ខាងក្រោមនេះជាទិដ្ឋភាពទូទៅមួយនៃការទទួលខុសត្រូវក្នុងការហៅរបស់អ្នក ។
គោលបំណងនៃសាលាថ្ងៃអាទិត្យ
សាលាថ្ងៃអាទិត្យជួយសម្រេចកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ ។ វាធ្វើបែបនេះបាន តាមរយៈការជួយបុត្រាបុត្រីរបស់ព្រះឲ្យរៀន ហើយរស់នៅតាមដំណឹងល្អនៃព្រះយេស៊ូវគ្រីស្ទ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ១៣.១ ) ។
គណៈប្រធាន និងលេខា
ប្រធានសាលាថ្ងៃអាទិត្យមានទំនួលខុសត្រូវក្នុងការមើលការខុសត្រូវលើការរៀនសូត្រ និងការបង្រៀនដំណឹងល្អនៅគេហដ្ឋាន និងនៅព្រះវិហារ ។ ទីប្រឹក្សារបស់គាត់ជួយដល់គាត់ ។ លេខាអាចជួយគណៈប្រធាន ធ្វើការតាមដានការចាត់តាំង ឬវត្តមាន ( សូមមើល ១៣.២.២.២ ) ។
ថ្នាក់ថ្ងៃអាទិត្យ
ថ្នាក់សាលាថ្ងៃអាទិត្យធ្វើឡើងនៅថ្ងៃអាទិត្យទីមួយ និងទីបីនៃខែនីមួយៗ ។ ទំហំថ្នាក់នឹងប្រែប្រួលអាស្រ័យលើតម្រូវការរបស់វួដនីមួយៗ ( សូមមើល ១៣.៣ ) ។ គ្រូបង្រៀនសាលាថ្ងៃអាទិត្យប្រើបទគម្ពីរ មេរៀនដែលបានដាក់កាលវិភាគនៅក្នុង ចូរមកតាមខ្ញុំ និងប្រសាសន៍របស់ព្យាការីសម័យទំនើបជាធនធានចម្បងរបស់ពួកគេសម្រាប់ការបង្រៀន ។
ការរៀនសូត្រដែលផ្តោតលើគេហដ្ឋាន
ឪពុកម្តាយទទួលខុសត្រូវលើការបង្រៀនដំណឹងល្អដល់កូនៗរបស់ខ្លួន ( សូមមើល ១៣.៥ ) ។ គ្រូបង្រៀនសាលាថ្ងៃអាទិត្យ និងថ្នាក់ដឹកនាំលើកទឹកចិត្តសមាជិក ឲ្យស្វែងរកការបំផុសគំនិតដោយខ្លួនពួកគេផ្ទាល់អំពីរបៀបសិក្សា និងបង្រៀនដំណឹងល្អនៅក្នុងគេហដ្ឋានរបស់ពួកគេ ( សូមមើល១៧.២ ) ។
ការប្រជុំក្រុមប្រឹក្សាគ្រូបង្រៀន
លេខាអាចជួយដល់ប្រធានសាលាថ្ងៃអាទិត្យរៀបចំ និងធ្វើការប្រជុំក្រុមប្រឹក្សាគ្រូបង្រៀន និងការប្រជុំក្រុមប្រឹក្សាគ្រូបង្រៀនសម្រាប់ឪពុកម្តាយជារៀងរាល់ត្រីមាស ។
គោលការណ៍ណែនាំ និងគោលនយោបាយ
មជ្ឈិមវ័យទាំងអស់ដែលធ្វើការជាមួយយុវវ័យ ត្រូវតែបំពេញវគ្គបណ្តុះបណ្តាលការការពារកុមារ និងយុវវ័យក្នុងរយៈពេលមួយខែ ក្រោយពីត្រូវបានគាំទ្រក្នុងការហៅនេះ ( នៅលើគេហទំព័រ ProtectingChildren.ChurchofJesusChrist.org ) ។ គោលការណ៍ណែនាំបន្ថែមទៀតសម្រាប់សាលាថ្ងៃអាទិត្យមាននៅក្នុង ផ្នែក ១៣.៧ នៃ ក្បួនខ្នាតទូទៅ ។