Tiutetauave

E faafetai le Alii mo lou naunauta’i e auauna atu i Lana Ekalesia. O loo i lalo se vaaiga aoao o tiutetauave mo lou valaauga.

Faamoemoega o le Aoga Sa

O le Aoga Sa e fesoasoani i le faataunuuina o le galuega a le Atua mo le faaolataga ma le faaeaga. E faia lenei mea e ala i le fesoasoani i fanau a le Atua e aoao ma ola i le talalelei a Iesu Keriso (tagai i le Tusitaulima Aoao: Auauna atu i O Le Ekalesia a Iesu Keriso o le Au Paia o Aso e Gata Ai, 13.1).

Au Peresitene ma le Failautusi

O le peresitene o le Aoga Sa e nafa ma le vaaia o le aoaoina mai ma le aoaoina atu o le talalelei i le aiga ma i le lotu. E lagolagosua ona fesoasoani ia te ia. E mafai e le failautusi ona fesoasoani i le au peresitene i le tausia o faamaumauga o tofitofiga po o le auai (tagai i le 13.2.2.2).

Vasega i Aso Sa

E faia ia vasega o le Aoga Sa i Aso Sa muamua ma lona tolu o masina taitasi. O le a eseese le toatele o le vasega e fua i manaoga o uarota taitasi (tagai i le 13.3). E faaaoga e faiaoga o le Aoga Sa ia tusitusiga paia, lesona faatulagaina i le Sau, Mulimuli Mai ia te A’u, ma upu a perofeta o aso nei e fai ma a latou punaoa autu mo le aoao atu.

Aoaoina e Faatotonugalemu-i-le-Aiga

O mātua e nafa ma le a’oa’oina atu o le talalelei i a latou fanau (tagai i le 13.5). E fautuaina e faiaoga ma taitai o le Aoga Sa ia tagata o le au paia e saili a latou lava musumusuga e uiga i le auala e suesue ma aoao atu ai le talalelei i o latou aiga (tagai i le 17.2).

Fonotaga a le Aufono a Faiaoga

E mafai e le failautusi ona fesoasoani i le peresitene o le Aoga Sa e faatulaga ma faatino ia fonotaga a le aufono a faiaoga ma fonotaga a aufono a faiaoga mo mātua i se tulaga faalekuata.

Taiala ma Aiaiga Faavae

O tagata matutua uma e galulue ma le autalavou e tatau ona faamae’aina le a’oa’oga faamasani o le puipuiga o tamaiti ma le autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). O loo maua taiala faaopoopo o le Aoga Sa i le vaega 13.7 o le Tusitaulima Aoao.