Tō’u pi’ira’a ’ei pāpa’i parau nō te Ha’api’ira’a Sābati

Te mau hōpoi’a

’Ua māuruuru roa te Fatu nō tō ’oe ineine e tāvini i roto i tāna ’Ēkālesia. E ’ite mai ’oe i raro nei i te hi’ora’a rere ā manu nō te mau hōpoi’a e tū’ati i tō ’oe pi’ira’a.

Te fā o te Ha’api’ira’a Sābati

E tauturu te Ha’api’ira’a Sābati i te fa’atupura’a i te ’ohipa nō te fa’aorara’a ’e te fa’ateiteira’a a te Atua. E ravehia te reira nā roto i te tauturura’a i te mau tamari’i a te Atua ’ia ha’api’i mai ’e ’ia ora i te ’evanelia a Iesu Mesia (hi’o Buka arata’i rahi¬: Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 13.1).

Te peresidenira’a ’e te pāpa’i parau

E hōpoi’a nā te peresideni o te Ha’api’ira’a Sābati te hi’opo’ara’a i te ’apora’a mai ’e te ha’api’ira’a i te ’evanelia i te fare ’e i te fare purera’a. E tauturu tōna nā tauturu iāna. E nehenehe te pāpa’i parau e tauturu i te peresidenira’a ’ia hi’o haere i te mau fa’auera’a ’ohipa ’e te taera’a mai o te ta’ata (hi’o 13.2.2.2).

Te mau piha ha’api’ira’a i te sābati

E tupu te mau piha a te Ha’api’ira’a Sābati i te sābati mātāmua ’e te sābati toru o te ’āva’e. Te fāito rahi o te mau piha ha’api’ira’a, mai te au ïa i te mau hina’aro o te pāroita tāta’itahi (hi’o 13.3). E fa’a’ohipa te mau ’orometua o te Ha’api’ira’a Sābati i te mau pāpa’ira’a mo’a, te mau ha’api’ira’a tei tārenahia i roto te Mai, pe’e mai, ’e te mau parau a te mau peropheta nō teie tau ’ei rāve’a tumu nō tā rātou ha’api’ira’a.

Te ’apora’a i fa’atumuhia i ni’a te ’utuāfare

E hōpoi’a nā te mau metua te ha’api’ira’a i te ’evanelia i tā rātou mau tamari’i (hi’o 13.5). E fa’aitoito te mau ’orometua ’e te feiā fa’atere o te Ha’api’ira’a Sābati i te mau melo ’ia ’imi i tō rātou iho fa’aurura’a, nō ni’a i te huru e ’imi ’e e ha’api’i i te ’evanelia i roto i tō rātou ’utuāfare (hi’o 17.2).

Te mau rurura’a ’āpo’ora’a a te mau ’orometua ha’api’i

E nehenehe te pāpa’i parau e tauturu i te peresideni o te Ha’api’ira’a Sābati ’ia fa’anaho ’e ’ia fa’atupu i te mau rurura’a ’āpo’ora’a a te mau ’orometua ha’api’i ’e te mau rurura’a ’āpo’ora’a a te mau ’orometua ha’api’i nā te mau metua i te mau toru ’āva’e ato’a.

Te mau arata’ira’a ’e te mau fa’aturera’a

E ti’a i te mau ta’ata pa’ari ato’a e ha’a nei ’e te feiā ’āpī, ’ia rave i te ha’api’ipi’ira’a nō ni’a i te pārurura’a i te mau tamari’i ’e i te feiā ’āpī, i roto i te ’āva’e i muri mai i tō rātou pāturura’ahia (ProtectingChildren.ChurchofJesusChrist.org E ’itehia te tahi atu mau arata’ira’a nō te Ha’api’ira’a Sābati i roto te Tuha’a 13.7 o te Buka arata’i rahi.